રિલાયન્સ Jioની ટેલિકોમ માર્કેટમાં એન્ટ્રી પછી ઓપરેટર્સ તરફથી આપવામાં આવી રહેલા ફ્રી ડેટાના કારણે ફેસબુકના ફાઉન્ડર માર્ક ઝુકરબર્ગને મોટો ફાયદો થયો છે. ફ્રી ડેટાના કારણે ડિસેમ્બર 2016માં પૂરા થયેલા કવાર્ટરમાં ફેસબુકની આવક વધી ગઇ છે. ડિસેમ્બર 2016માં પૂરા થયેલા ત્રિમાસિક ગાળામાં ફેસબુકની રેવન્યુ 51% વધીને 8.8 અબજ ડોલર થઇ હતી.
ફેસબુકે જણાવ્યું છે કે ડિસેમ્બર કવાર્ટરમાં કંપનીની રેવન્યુ વધવામાં ભારત જેવા દેશોના ડેટા પ્લાને મોટી ભૂમિકા ભજવી છે. કંપનીએ ભારત સહિત એશિયા પેસિફિકને પોતાનું મજબૂત માર્કેટ ગણાવ્યું છે. ફેસબુકના ચીફ ફાઇનાન્શિયલ ઓફિસર ડેવિડ વેહનરે કહ્યું છે કે ભારત અમારું સૌથી મજબૂતીથી વધતું બજાર છે. અહીં થર્ડ પાર્ટીઝ તરફથી આપવામાં આવતા પ્રમોશનલ ફ્રી ડેટા પ્લાન્સથી અમારી રેવન્યુ વધી છે.