પેઈનગેસ્ટ રહેતી યુવતીએ એક વૃદ્ધાને માર્યો ઢોર માર

રાજકોટના 150 ફૂટ રીંગ રોડ પર આવેલા જોલી એપાર્ટમેન્ટમાં પેઈનગેસ્ટ તરીકે રહેતી યુવતિએ એક વૃદ્ધાને માર માર્યો હતો. વૃદ્ધાના પરિવારની વાત માનીએ તો મંગળવારે યુવતીએ વૃદ્ધા પાસે 3000 રુપયા ની માંગ કરી હતી. જેને લઇ  યુવતીએ વૃદ્ધા પર હુમલો કર્યો હોવાનું માનવામાં આવી રહ્યું છે.

જોકે હાલ આ સમગ્ર મામલે તાલુકા પોલીસે ફરિયાદ નોંધી વધુ તપાસ હાથ ધરી છે.  યુવતિ કેશોદની રહેવાસી છે. જેણે તક મળતા એપાર્ટમેન્ટમાં રહેતા બે વૃદ્ધા ના ઘરમાં સાંજના સમયે દરવાજો અંદરથી બંધ કરી વૃદ્ધાને તીક્ષ્ણ હથિયાર અને અન્ય પદાર્થના ઘા ઝીકી ઈજા પહોચાડી હતી અને બાદમાં ઘરની બારી માંથી નીચે કૂદવાનો પ્રયત્ન કર્યો હતો.

જોકે આસપાસના લોકોએ યુવતીને જોઈ જતા ફાયરબ્રિગેડને જાણ કરી હતી અને ફાયરની ટીમે યુવતીને નીચે ઉતારી હતી. જયારે વૃદ્ધાને ઈજા પહોચતા તેને શહેરની ખાનગી હોસ્પીટલમાં સારવાર અર્થે ખસેડવામાં આવ્યા છે તો યુવતીને પણ સિવિલ હોસ્પીટલમાં સારવાર અર્થે લઇ જવામાં આવી છે.