બજેટ પાસે રીયલ એસ્ટેટ સેક્ટરને આ છે આશાઓ ધબકતું થઇ શકે છે હાઉસિંગ સેક્ટર

નોટબંધીની સૌથી ખરાબ અસર રીયલ એસ્ટેટ સેકટર પર પડી છે. તેથી આ સેકટરની બજેટ પાસે ઘણી અપેક્ષાઓ છે. ડેવલપર્સ માને છે કે સરકાર બજેટમાં એવી જાહેરાતો કરી શકે છે કે જેનાથી રીયલ એસ્ટેટ સેકટર પાટા પર આવી જશે. 

નેશનલ રીયલ એસ્ટેટ ડેવલપમેન્ટ કાઉન્સિલના પ્રેસિડન્ટ પ્રવીણ જૈન કહે છે કે બજેટમાં રીયલ એસ્ટેટ સેકટરને ઘણી આશાઓ છે. ડેવલપર્સ માંગ કરી રહ્યા છે રીયલ એસ્ટેટને ઇફ્રાસ્ટ્રકચરનો દરજ્જો આપવામાં આવે.

 કાઉન્સિલની માગ છે કે 80સી હેઠળ મળતી છૂટને 1.50 લાખ રૂપિયાથી વધારીને 2.50 લાખ કરવામાં આવે. તેમાં એક લાખ રૂપિયા હાઉસિંગ લોનની પ્રિન્સિપલ એમાઉન્ટ માટે રીઝર્વ હોવા જોઇએ. તેનાથી ફ્લેટોનું વેચાણ વધશે અને હાઉસિંગ સેકટરના શેરોને પણ ફાયદો થશે.