સોશિયલ મીડિયા આતંકવાદીઓનું નવું નેટવર્ક અને હથિયાર Twitterએ 2.35 લાખ શંકાસ્પદ એકા

સોશિયલ મીડિયા આતંકવાદીઓનું નવું નેટવર્ક અને હથિયાર બન્યું છે. આતંકીઓ તેમનું નેટવર્ક વધારવા માટે ફેસબુક અને ટ્વિટર જેવા સોશિયલ મીડિયાનો ઉપયોગ સતત વધારી રહ્યા છે. તેની સામે ટ્વિટરે મોટી કાર્યવાહી હાથ ધરીને લાખો શંકાસ્પદ એકાઉન્ટને સસ્પેન્ડ કરી દીધા છે. ટ્વિટરના અધિકારીઓના જણાવ્યા પ્રમાણે તેમણે ફ્રેબ્રુઆરીથી અત્યાર સુધીમાં 2 35 000 શંકાસ્પદ એકાઉન્ટ સસ્પેન્ડ કર્યા છે.

- ટ્વિટર દ્વારા છેલ્લા છ મહિનામાં સસ્પેન્ડ કરવામાં આવેલા એકાઉન્ટ આતંકવાદનું સમર્થન કરતા હતા.

- ટ્વિટરે આ એકાઉન્ટનું કન્ટેન્ટ પોલિસી વિરુદ્ધ હોવાનું કારણ ગણાવીને સસ્પેન્ડ કર્યા છે.

- ટ્વિટર આ પ્રમાણેની પ્રવૃત્તિ ફેબ્રુઆરી 2016માં પણ હાથ ધરી હતી.

- આ પહેલાં ફેબ્રુઆરી 2016માં પણ ટ્વિટરે આતંકવાદ સંબંધિત પ્રચાર-પ્રસાર કરતાં 1 25 000 શંકાસ્પદ એકાઉન્ટ બંધ કર્યા હતા.

 

- ટ્વિટર અધિકારીઓના જણાવ્યા પ્રમાણે જે એકાઉન્ટ સસ્પેન્ડ કરવામાં આવ્યાં છે તે દરેક આતંકવાદને પ્રોત્સાહન આપતી ટ્વિટ કરતા હતા.

- આ એકાઉન્ટ ઉપર ઉશ્કેરણીજનક તસવીરો વીડિયો અને આતંકવાદ સાથે જોડાયેલા ન્યૂઝને પ્રોત્સાહન આપવામાં આવતું હતું.

- ટ્વિટર અધિકારીઓએ જણાવ્યું કે તેમણે સ્પેમ ફાઈટિંગ ટેક્નોલોજીની મદદથી આતંકવાદી પ્રવૃતિઓને પ્રોત્સાહન આપતા આ એકાઉન્ટની ઓળખ કરી હતી.

- ત્યારપછી આ એકાઉન્ટને ટ્રેસ કરીને તેને ડિએક્ટિવેટ કરી દેવામાં આવ્યા હતા.

- ટ્વિટરના જણાવ્યા પ્રમાણે આતંકવાદની આ લડાઈમાં તેમનું કામ હજુ સંપૂર્ણપણે પુરૂ નથી થયું.

- પોલીસ વિભાગના એક મોટા અધિકારીઓએ ખુલાસો કર્યો છે કે સક્રિય આતંકી એક દિવસમાં એક લાખથી વધારે ટ્વિટ કરીને લોકોને આતંકવાદ તરફ આકર્ષિત કરે છે.

- છેલ્લાં કેટલાક વર્ષોમાં આતંકવાદી સંગઠન ISISએ ટ્વિટરનો ખૂબ સારી રીતે ઉપયોગ કર્યો છે.

- IS ટ્રેસ ન કરી શકાય તેવા એકાઉન્ટ પણ તેમની ટ્વિટના કારણે ઓળખાઈ જાય છે.

- ટેક્નોલોજીમાં નિષ્ણાત આંતકીઓ એવી ટેક્નોલોજીનો ઉપયોગ કરતા હોય છે જેના કારણે તેમની આ પ્રકારની ટ્વિટ પણ સરળતાથી પકડી શકાતી નથી.

- IS ટ્વિટર દ્વારા લોકોને તેમના સંગઠનમાં જોડાવા માટે પ્રેરણા આપે છે.

- આ વર્ષે ત્રણ બ્રિટિશ છોકરીઓ પણ ટ્વિટર દ્વારા જ IS સમર્થકોના સંપર્કમાં આવી હતી.

- ત્યારપછી તે ત્રણેય છોકરીઓ સીરિયા જતી રહી હતી.

 

- ટ્વિટર પર ISના લગભગ 50 000 કરતા વધારે એકાઉન્ટ અત્યારે પણ સક્રિય છે.

- તેમની પૂરતી ઓળખ થયા પછી ટ્વિટર તે એકાઉન્ટને પણ સસ્પેન્ડ કરી દેશે.

- ટ્વિટરની હાલની કાર્યવાહીએ આતંકના આ સોશિયલ નેટવર્કને તોડી પાડવામાં મહત્વની ભૂમિકા ભજવી છે.