જમીન ખંડણી કેસમાં ધારીના ધારાસભ્ય નલિન કોટડિયાને હવે ધરપકડનો ડર લાગી રહ્યો તેમ લાગી રહ્યું છે. જેને લઈને નલિન કોટડિયાએ સેશન્સ કોર્ટમાં આગોતરા જામીન અરજી કરી છે. જોકે નલીન કોટડીયાની આગોતરા જામીન અરજીને જજે નોટબી ફોર મી કરી છે. ગ્રામ્ય કોર્ટના જજ જેબી પટેલે આ અરજીને નોટ બીફોર મી કરી છે. જોકે નલીન કોટડીયાના વકિલે જીલ્લા મુખ્ય ન્યાયાધિશને રજૂઆત કરી છે.
મહત્વનું છેકે થોડા દિવસો પહેલા જ નલિન કોટડિયા અને બિલ્ડર મધુભાઈ પટેલ વચ્ચે જમીનના કોઈ વિવાદ પર મારામારી થઈ હતી. જેમાં મધુભાઈ પટેલનો એવો આક્ષેપ છે કે નલિન કોટડિયાએ તેની પાસેથી 2 કરોડ રૂપિયાની ખંડણી માગી હતી અને આ મામલે મધુભાઈ પટેલે નલિન કોટડિયા સામે ફરિયાદ પણ નોંધાવી છે.