કાર્યવાહી / કાલોલમાં ટ્રાફિક નિયમનો ભંગ કરતા વાહન ચાલકોને ઉઠક બેઠક કરાવનાર PSIને SPએ કર્યા સસ્પેન્ડ

• ઉઠક બેઠક કરાવનાર PSIને SPએ કર્યા સસ્પેન્ડ
• ટ્રાફિક પોલીસે નિયમોને ચુસ્તપણે અમલ કરાવવા કડક વલણ દાખવ્યું હતું
• નિયમોનો ભંગ કરનારાઓ પાસે PSIએ ઉઠક બેઠક પણ કરાવી હતી

પંચમહાલના કાલોલમાં ટ્રાફિક પોલીસે નિયમોને ચુસ્તપણે અમલ કરાવવા કડક વલણ દાખવ્યું હતું. ટ્રાફિક નિયમનો ભંગ કરતા વાહન ચાલકોને PSI દ્વારા દંડ કરવામાં આવ્યો હતો અને ઉઠક બેઠક પણ કરાવવામાં આવી હતી. PSIનું આ કડક વલણ તેમને ભારે પડ્યું છે.

પંચમહાલમાં કાલોલના PSI સસ્પેન્ડ 

જિલ્લા પોલીસ વડાએ આ PSIને સસ્પેન્ડ કર્યા છે. મહત્વનું છે કે, આ PSIનો ઉઠક બેઠક કરાવતો વિડીયો વાયરલ થયો હતો. આ વાયરલ વીડિયોને લઇ જિલ્લા પોલીસ વડાએ કાર્યવાહી કરી હતી.

મહત્વનું છે કે, રાજ્યના વાહન ચાલકો જરૂરી દસ્તાવેજો સાથે નહીં રાખો તો આકરો દંડ થશે. નવા નિયમ પ્રમાણે દંડની રકમમાં વધારો કરવામાં આવ્યો છે. હેલ્મેટ, લાયસન્સ, સીટ બેલ્ટ વિના વાહન ચલાવવા પર નવા દંડ લગાવવામાં આવ્યા છે. ત્રિપલ સવારી, ઓવરસ્પીડિંગમાં દંડની રકમમાં પણ વધારો કરવામાં આવ્યો છે. વીમા, RC બુક વિના વાહન ચલાવવા પર પણ દંડ છે. અકસ્માતની સંખ્યા ઘટાડવા માટે સરકારે આ દંડ લાગુ કર્યો છે.

વાહન ચલાવતી વખતે ડોક્યુમેન્ટ ન હોય તો શું કરશો

• લાયસન્સ કે RC બુક ન હોય તો પોલીસ તાત્કાલિક મેમો ન ફાડી શકે
• વાહનચાલક પોતાના ડોક્યુમેન્ટ 15 દિવસમાં રજૂ કરી શકે છે
• મોટર વ્હીકલ રૂલ્સના નિયમ 139માં કરાયો છે ઉલ્લેખ
• ડોક્યુમેન્ટ તાત્કાલિક ન હોય તો ગુનો બનતો નથી 
• અકસ્માત કે ખાસ કેસમાં ડોક્યુમેન્ટ બતાવવા 7 દિવસ અપાય છે
• જો પોલીસ તાત્કાલિક મેમો ફાડે તો ચાલક કોર્ટમાં અરજી કરી શકે છે
• ટ્રાફિક પોલીસ મેમો ફાડે તો મેમો તાત્કાલિક ભરવો જરૂરી નથી
• ટ્રાફિક પોલીસનો મેમો એ કોર્ટનો આદેશ નથી 
• ટ્રાફિક પોલીસની ભૂલ હોય તો ચાલક કોર્ટમાં અપીલ કરી શકે છે
• ચાલકની ભુલ ન હોય તો કોર્ટ દંડની રકમ માફ કરી શકે છે
• મેમોમાં એક વિટનેસની સિગ્નેચર હોવી જરૂરી છે 
• કોર્ટમાં સમરી ટ્રાયલ સમયે ટ્રાફિક પોલીસે વિટનેસ સાથે રાખવો જરૂરી 
• પોલીસ વિટનેસ રજૂ કરી ન શકે તો ચાલકને ફાયદો મળે છે