વડોદરા / ઉનાળાના વેકેશન બાદ આજથી શૈક્ષણિક સત્રની શરૂઆત, શાળાઓમાં કલરવ ગુંજી ઉઠ્યું

બાળકો સવારથી જ સ્કૂલ યુનિફોર્મમાં નજરે પડ્યા હતા. વેકેશન બાદ પ્રથમ દિવસે વિદ્યાર્થીઓ ભારે ઉત્સાહિત દેખાયા હતા. નાના બાળકોને વાલીઓ સ્કૂલમાં મુકવા માટે પહોંચ્યા હતા.

આ બેઠક વ્યવસ્થામાં નાના બાળકોને તકલીફ ન પડે તે માટે સ્કૂલ દ્વારા ખાસ આયોજન કરવામાં આવ્યું. સ્કૂલોમાં ઉનાળાના વેકેશનના 21 દિવસ બાદ સ્કૂલો ધમધમી ઉઠી હતી.

વેકેશન બાદ આજથી સ્કૂલનો શરૂ થઇ ગઇ છે. આજથી શૈક્ષણિક સત્રની શરૂઆતની શરૂઆત થઇ ગઇ છે. ત્યારે પોતાના બાળકોને શાળાએ મૂકવા આવેલા વાલીઓનું કહેવું છે. કે સરકારે હજુ વધુ વેકેશન લંબાવ્યું હોત તો સારું હતું. ગરમી વધી રહી છે જેને કારણે નાના બાળકોને ઘણી તકલીફ પડશે. ઉપરાંત વાલીઓએ કહ્યું કે, જો વેકેશન ન લંબાવ્યું તો શાળા ટાઇમમાં થોડો બદલાવ કરવાની જરૂર હતી.