મોદી સરકારે વર્ષ 2024ની લોકસભા તથા આગામી વર્ષે વિવિધ રાજ્યોમાં યોજાનારી વિધાનસભાની ચૂંટણીઓને ધ્યાને રાખી નવું મંત્રી મંડળ બનાવ્યું છે. જેમાં તમામ પાસાઓને ધ્યાને રખાયા છે.
સરેરાશ 58 વર્ષ છે મંત્રીઓની ઉંમર
31 મંત્રી છે હાઈલી એજ્યુકેટેડ
13 વકીલ, 5 ડૉક્ટર, 5 એન્જિનિયર
સરેરાશ 58 વર્ષ છે મંત્રીઓની ઉંમર
મોદી સરકારના બીજા કાર્યકાળની નવી ટીમે આજે શપથ લીધા. જે નવું મંત્રી મંડળ બનાવવામાં આવ્યું તેમાં અનેક વસ્તુની ધ્યાન રાખવામાં આવી છે, ન માત્ર જાતિગત સમિકરણો પરંતુ એજ્યુકેશન અને ઉંમર પર પણ ધ્યાન કેન્દ્રીત કરાયું છે. મોદી સરકારની નવી ટીમ સૌથી યુવાન કેબિનેટ છે. સરેરાશ ઉંમર 58 વર્ષની છે. જેમાં ડૉક્ટર, એન્જિનિયર, રિટાયર્ડ IAS અધિકારીઓ સહિત 4 પૂર્વ મુખ્યમંત્રીનો સમાવેશ કરાયો છે.
કેન્દ્રમાં મોદી સરકાર બની તેના સાત વર્ષમાં સૌથી ખાસ કેબિનેટ હવે બની છે કારણ કે આ નવી કેબિનેટમાં દરેક પાસા પર ખાસ ધ્યાન આપવામાં આવ્યું. સૌથી મોટી વાત એજ્યુકેશનની છે કારણ કે દેશ ચલાવવામાં અભણ કે સાવ ઓછા ભણેલા ન ચાલે, માટે શિક્ષિત ચહેરાઓને વધારે મહત્વ અપાયું છે. તો નવી કેબિનેટમાં સૌથી વધારે યુવા ચહેરાઓને સ્થાન અપાયું છે. નવી કેબિનેટની સરેરાશ ઉંમર ગત કેબિનેટ કરતા દોઢ વર્ષ ઓછી છે. પ્રધાનમંત્રી મોદીની ગત કેબિનેટની સરેરાશ ઉંમર 59.36 વર્ષ હતી. જેમાં સૌથી યુવાન સ્મૃતિ ઈરાની હતા અને સૌથી વૃદ્ધ રામવિલાસ પાસવાન હતા. જ્યારે નવી કેબિનેટની સરેરાશ 58 વર્ષની છે.
31 મંત્રી છે હાઈલી એજ્યુકેટેડ
મોદી સરકારની આ નવી કેબિનેટની ખાસ વાતો પર એક નજર કરીએ તો અનુભવ, શૈક્ષણિક લાયકાત પર ખાસ ધ્યાન અપાયું છે. નવી કેબિનેટમાં 4 પૂર્વ મુખ્યમંત્રી છે. અને 18 પૂર્વ રાજ્ય મંત્રી છે, નવી કેબિનેટમાં 39 પૂર્વ ધારાસભ્ય છે, તો 23 એવા સાંસદ છે, જે 3થી વધુ વખત લોકસભાનું પ્રતિનિધિત્વ કરી ચુક્યા છે, નવા મંત્રી મંડળના એજ્યુકેશનની વાત કરીએ તો 13 વકીલ, 6 ડોકટર અને 5 એન્જિનિયર છે ઉપરાંત 7 પૂર્વ સિવિલ સર્વન્ટ છે. એટેલે કે IAS અધિકારી છે. 43 નવા મંત્રીઓમાં 31 હાઈલી એજ્યુકેટેડ છે, નવી ટીમની એવરેજ ઉંમર 58 વર્ષ છે. જેમાં 14 મંત્રી તો એવા હશે જેમની ઉંમર 50 વર્ષથી પણ ઓછી છે. નવી ટીમમાં 7 મહિલાઓનો સમાવેશ કરવામાં આવ્યો છે.અને બે મહિલાને તો કેબિનેટ મંત્રી બનાવવામાં આવ્યા છે.
13 વકીલ, 5 ડૉક્ટર, 5 એન્જિનિયર
તો જાતીય સમીકરણની પણ વાત કરીએ લઈએ તો 5 મંત્રી અલ્પસંખ્યક સમુદાયમાંથી આવે છે. જેમાં એક મુસ્લિમ, 1 શીખ, 1 ક્રિશ્ચિયન અને 2 બૌદ્ધ છે.તો 27 મંત્રી OBC સમુદાયમાંથી આવે છે.જેમાંથી 5ને કેબિનેટ મંત્રીનો દરજ્જો આપવામાં આવ્યો છે.તો 8 ST છે, જેમાંથી 3ને કેબિનેટ મંત્રી બનાવાયા છે. જે ST મંત્રીઓ છે તેઓ અરૂણાચલ, ઝારખંડ, છત્તીસગઢ, પશ્ચિમ બંગાળ, મધ્યપ્રદેશ, મહારાષ્ટ્ર, ઓરિસ્સા અને આસામથી આવે છે. આદિવાસી જાતિઓમાં ગોંડ, સંથાલ, મિઝી, મુંડા, ટી ટ્રાઈબ, કોકના, સોનોવાલ જાતિઓનો સમાવેશ થાય છે. તો 12 SCનો સમાવેશ કરવામાં આવ્યો છે. જેમાં 2ને કેબિનેટ મંત્રીનો દરજ્જો આપવામાં આવ્યો છે. તેઓ બિહાર, મધ્યપ્રદેશ, ઉત્તર પ્રદેશ, મહારાષ્ટ્ર, પશ્ચિમ બંગાળ, કર્ણાટક, રાજસ્થાન અને તમિલનાડુથી આવે છે.અનુસુચિત જાતિઓમાં રામદસિયા, ખટીક, પાસી, કોરી, માદિગા, મહાર, અરનદથિયાર, મેઘવાલ, ધંગાર જાતિઓનો સમાવેશ થાય છે.