ફિયાસ્કો / અલ્પેશ ઠાકોરે એવું કર્યુ કે નટુજી ઠાકોર બોલ્યાં કે મારી અને સમાજ સાથે દગો કર્યો

છેલ્લી ઘડીએ અલ્પેશ ઠાકોર હાજર ન રહેતા નટુજીની સભાનો ફિયાસ્કો થયો છે. નટુજી ઠાકોરે આ મામલે જણાવ્યુ હતું કે અલ્પેશ મને વચન આપીને ફરી ગયો છે. અલ્પેશે સમાજ સાથે પણ દગો કર્યો છે.
અત્રે ઉલ્લેખનીય છે કે અલ્પેશ ઠાકોરના કોંગ્રેસમાંથી રાજીનામું આપ્યા બાદ બનાસકાંઠામાં અપક્ષ માટે પ્રચાર કરવાની વાત કરી હતી. ત્યારે હવે અલ્પેશ ઠાકોર NCPના ઉમેદવાર નટુજી ઠાકોરની સભામાં છેલ્લી ઘડીએ હાજર ન રહેતા સભાનો ફિયાસ્કો થયો છે. 
 
મહત્વનું છે કે લોકસભા ચૂંટણીનાં મતદાનની ક્ષણો ગુજરાતને દ્વારે દસ્તક દઈ રહી છે. દરેક પક્ષો દ્વારા જોર અને શોરથી પ્રચાર શરૂ કરી દેવાયો છે. ત્યારે ગુજરાતની રાજનીતિમાં યુવાનેતા અલ્પેશ ઠાકોરની સ્થિતિ બદલાઇ છે. અહીં રાજકારણમાં ક્યાં બ્રેક મારવી તે સમજવામાં થાપ ખાઈ ગયેલાં અલ્પેશ ઠાકોરની વાત અને મહત્વકાંક્ષા સંતોષવાની લ્હાયમાં પોતાનાં જ સમાજમાં વિશ્વસનીયતા ગુમાવી બેઠેલાં અલ્પેશ ઠાકોરની સ્થિતિ ઘરનાય નહીં અને ઘાટનાય નહીં તેવી થઈ છે.