આસ્થા / માતાજીના આ મંદિરમાં પાણીથી દૂર થઈ જાય છે આંખોના રોગ, દૂર-દૂરથી લોકો આવે છે દર્શને, જાણો શું છે માન્યતા

• આ મંદિરમાં દૂર થાય છે આંખના રોગ 
• પાણીથી દૂર થાય છે આંખોની સમસ્યા 
• દૂર-દૂરથી લોકો આવે છે દર્શને

નવરાત્રીના 9 દિવસમાં માતાજીના દર્શનથી બધા ભક્તોના દૂખ દુર થાય છે અને મનોકામનાઓ પૂર્ણ થાય છે. આજ કારણ છે કે નવરાત્રીમાં દરેક ભક્ત માતાના પાવન દરબારમાં જવાની કામના રાખે છે. નવરાત્રીમાં બધા શક્તિ પીઠોમાં ભક્તોની ભારે ભીડ હોય છે. માન્યતા છે કે માતાના દરબારમાંથી ક્યારેય પણ શ્રદ્ધાળુઓ ખાલી હાથ નથી જતા. 

ફૂલમતી દેવીનું મંદિર 
આ મંદિર ત્રેતા યુગના રાજા વેણુચક્રની મોટી દિકરી માતા ફૂલમતી દેવીનું છે. આ સિદ્ધ પીઠ કન્નૌજનું સૌથી મોટુ સિદ્ધ પીઠ માનવામાં આવે છે. અહીં પર માતાને સ્નાન કરાવેલા નીરને ભક્તો પ્રસાદના રૂપમાં આપવામાં આવે છે. 

આ નીર લોકોના નેત્ર રોગ, શરીરમાં થતા સફેદ દાગ અને ચર્મ રોગમાં અમૃતના સમાન કામ કરે છે.દૂર દૂરથી શ્રદ્ધાળુઓ પોતાની આસ્થા અને મન્નતની સાથે આ મંદિરમાં માતાના દર્શને આવે છે અને માતાના આશીર્વાદ પણ મેળવે છે. 

પ્રાચીન છે સિદ્ધપીઠ 
કન્નૌજમાં સૌથી પ્રાચીન મંદિરોમાંથી એક માનવામાં આવતુ આ સિદ્ધ પીઠ ત્રેતા યુગના સમયનું છે. અહીં ત્રેતા યુગના માતા ફૂલમતી બિરાજમાન છે. કન્નૌજના રાજા રહી ચુકેલા વેણુચક્રની સાત પુત્રીઓમાંથી એક પુત્રી હતી માતા ફૂલમતી. 

પિતાના સ્વાભિમાન અને આત્મસન્માનને બચાવવા માટે માતા ફૂલમતીએ પોતાની બધી બહેનોની સાથે વૈરાગ્ય ધારણ કરી લીધુ હતું. આ અતિ પ્રાચીન સિદ્ધપીઠ માતા ફૂલમતી મંદિરમાં સ્થાપિત માતાની પ્રતિમા સ્વયંભૂ છે અને આ પ્રતિમા ત્રેતા યુગની છે.