બોલ માડી અંબે / આજે છેલ્લું નોરતું, તમામ માનતા અને બાધાઓ પૂર્ણ કરશે જગતજનની: માતાજીને લગાવો આ વસ્તુઓનો ભોગ

• આજે નવરાત્રીનું નવમું નોરતુ
• આજે કન્યાપૂજન કરીને તેમને ભોજન કરાવવામાં આવે
• આજના દિવસે માતાજીને ભોગ તરીકે શું ધરાવી શકાય?

આજે નવરાત્રીનું નવમું નોરતુ છે, જેને મહાનવમી અથવા નવમી કહેવામાં આવે છે. આ દિવસે માઁ દુર્ગાના નવમા સ્વરૂપ સિદ્ધિદાત્રીની પૂજા કરવામાં આવે છે. નવમી પર માતાજીની પૂજાની સાથે સાથે માતાને ધરાવવામાં આવતા ભોગનું પણ મહત્ત્વ છે. ભક્તો માતાજીને તેમનો પ્રિય ભોગે ધરાવે છે, જેથી માતા પ્રસન્ન થાય છે. માનવામાં આવે છે કે, આ પ્રકારે કરવાથી માતાજીની વિશેષ કૃપા રહે છે. નવમીના દિવસે ભક્તો ઘરમાં કન્યાપૂજન કરે છે અને તેમને ભોજન કરાવવામાં આવે છે. માતાને જે પણ ભોગ ધરાવવામાં આવે તેનું પ્રસાદ તરીકે વિતરણ કરવામાં આવે છે. આજના દિવસે માતાજીને ભોગ તરીકે શું ધરાવી શકાય, તે અંગે અહીંયા જણાવવામાં આવ્યું છે. 

નવમીના દિવસે માતાજીને શેનો ભોગ ધરાવવો
નવમીના દિવસે સિદ્ધિદાત્રીની પૂજા કરવામાં આવે છે, જેથી માતાજીને તેમની પ્રિય વસ્તુઓ ભોગ તરીકે અર્પણ કરવામાં આવે છે. 

પૂરી- માતાજીને પુરીનો ભોગે ધરાવવામાં આવે છે. આ પૂરી નાની નાની હોય તો સારી લાગે છે. મોટાભાગે પુરીની સાથે સાથએ હલવો અને ચણાનો ભોગ પણ ધરાવવામાં આવે છે અને તે ભોગ કન્યાઓને પીરસવામાં આવે છે. 

ચણા- ભોગેમાં કાળા ચણા અર્પણ કરવા તે શુભ માનવામાં આવે છે. કાળા ચણાથી ભોગ તૈયાર કરવા માટે રાત્રે ચણા પલાળીને રાખો. સવારે આ ચણા બાફીને, તેમાં તેલ, જીરૂ અને મીઠુ નાખીને ફ્રાય કરી લો. આ પ્રકારે કરવાથી ચણા સ્વાદિષ્ટે બને છે અને તેનો પ્રસાદ તરીકે ભોગ પણ ધરાવવામાં આવે છે. 

હલવો- માંગલિક કાર્યોમાં મિઠાઈને સર્વશ્રેષ્ઠ માનવામાં આવે છે. ભોગમાં હલવો ચઢાવવા     માટે સૌથી પહેલા કળાઈમાં સોજી નાખીને શેકી લો અને તેનો કલર બદલાય     એટલે તેમાં ઘી, ખાંડ અને ઈલાયચી પાઉડર નાખીને યોગ્ય રીતે મિશ્ર કરી લેવું. હવે આ સોજીનો હલવો ભોગ તરીકે ધરાવવો. 

માલપુવા- પૂજાના ભોગમાં માતાજીને માલપુવા અર્પણ કરવામાં આવે છે. માલપુવા ગળ્યા હોય છે. માલપુવા બનાવવા માટે ખાંડ, એલચી અને પાણી     મિશ્ર કરીને તૈયાર કરવામાં આવે છે. તેલમાં આ મિશ્રણ નાખીને તેનો કલર બદલાય ત્યાં સુધી તેને પકવવું, હવે તે માલપુવા એકલા અથવા ચાસણીમાં બોળીને ખાવા.