ફાયદાકારક / રોજ આ વસ્તુ ખાઓ અને ફેસ પર તેનાથી મસાજ કરી લો, ઓઈલી અને બેજાન સ્કિનથી લઈ તમામ સમસ્યા દૂર થઈ જશે

• એન્ટીએજિંગ પ્રોપર્ટીવાળી વસ્તુઓનો કરો ઉપયોગ
• ફેસ પર હમેશા નેચરલ વસ્તુઓ લગાવો
• નેચરલ ઉપાયથી કરચલીઓ અને સ્કિનની અન્ય પ્રોબ્લેમ્સ દૂર રહે છે

ઘણાં ફૂડ આઈટમ્સમાં એન્ટીએજિંગ પ્રોપર્ટી, વિટામિન્સ અને મિનરલ્સ હોય છે. જેને ફેસ પર લગાવવાથી સ્કિન વધુ યંગ લાગે છે અને કરચલીઓ અને સ્કિનની અન્ય પ્રોબ્લેમ્સ દૂર રહે છે. ચાલો જાણીએ તેના વિશે. 

ફળોથી મસાજ 

તાજા ફળો રોજ ખાવાથી અને ચહેરા પર મસાજ કરવાથી જોરદાર ફાયદા મળે છે. આનાથી કરચલીઓ સામે રક્ષણ મળે છે. શુષ્ક સ્કિન માટે કેળાનો, ઓઈલી સ્કિન માટે સિટ્રસ ફળો જેમ સંતરા, મોસંબી, બેજાન સ્કિન માટે સ્ટ્રોબેરી અને પિગમેન્ટેશન માટે પપૈયાનો ઉપયોગ કરો. તમે રોજ જે ફળ ખાઓ તેને ફેસ પર લગાવી શકો છો અને 10 મિનિટ બાદ ફેસ વોશ કરી લેવો.

જવનો લોટ 

ડેડ સ્કિન દૂર કરવા અને સ્કિનને કોમળ બનાવવા માટે 1 ચમચી જવના લોટમાં 1 ચમચી મધ મિક્સ કરો. તેને ચહેરા પર લગાવીને 15 મિનિટ પછી ચહેરો ઠંડા પાણીથી ધોઈ લો.

ગ્રીન ટી

ગ્રીન ટીમાં એન્ટીઓક્સીડેન્ટ હોય છે. જે સ્કિનને હેલ્ધી અને યંગ રાખે છે. તેના માટે 1 કપ પાણીમાં 1 ચમચી ગ્રીન ટીના પાન અથવા ફ્લેવર વિનાની ગ્રીટ ટી બેગ પલાળી તે પાણી ચહેરા પર લગાવો. 10 મિનિટ બાદ ચહેરો પાણીથી ધોઈ લો. 

ચંદન

હળદરમાં એન્ટીસેપ્ટિક પ્રોપર્ટી હોય છે અને ચંદન સ્કિનને ગ્લોઈંગ બનાવવાની સાથે ઠંડક આપે છે અને સ્કિન ટાઈટ રાખે છે. કાચાં દૂધમાં પેસ્ટ બને અને જરૂર હોય તે મુજબ અડધી ચમચી ચંદન પાઉડર અને અડધી ચમચી હળદર પાઉડર મિક્સ કરીને લગાવો. 10 મિનિટ બાદ ચહેરો પાણીથી ધોઈ લો.  

કાકડી

એક ચમચી કાકડીનો રસ, એક ચમચી લીંબુનો રસ, એક ચમચી મધ આ ત્રણેયને મિક્સ કરીને દિવસમાં એકવાર અવશ્ય લગાવો. સૂકાય ગયા બાદ ધોઈ લો. આનાથી ખીલ દૂર થશે, ચહેરો ગોરો થશે અને ગ્લોઈંગ બનશે.