મુલાકાત / ઉત્તરાખંડ પહોંચ્યા અમિત શાહ, હવાઈ નિરિક્ષણ બાદ કરશે આ મહત્વનું કામ

• શાહના સ્વાગતમાં સીએમ પુષ્કર સિંહ ધામી હાજર હતા
• અસરગ્રસ્ત વિસ્તારોનું હવાઈ સર્વેક્ષણ કરી નુકસાનનું નિરિક્ષણ કરશે અમિત શાહ
• દુર્ઘટનામાં 7 હજાર કરોડનું નુકસાન

એરપોર્ટ પર તેમનું સ્વાગત કરવા માટે સીએમ પુષ્કર સિંહ ધામી હાજર હતા. ઉલ્લેખનીય છે કે ગુરુવારે કેન્દ્રીય ગૃહમંત્રી રાજ્યના અસરગ્રસ્ત વિસ્તારોનું હવાઈ સર્વેક્ષણ કરી નુકસાનનું નિરિક્ષણ કરશે. આ બાદ તે જોલીગ્રાન્ટ એરપોર્ટ સ્થિત રાજ્ય અતિથિ ગૃહમાં અધિકારીઓ સાથે બેઠક કરશે. જેમાં સીએમ સહિત તમામ ઉચ્ચ અધિકારીઓ હાજર રહેશે.  આની પહેલા સીએમ પુષ્કર સિંહ ઘામીએ અસરગ્રસ્ત વિસ્તારોની મુલાકાત લીધી અને જણાવ્યું કે હોનારતમાં લગભગ 7 હજાર કરોડનું નુકસાનનો અંદાજો છે.

Uttarakhand: Union Home Minister Amit Shah arrives at Dehradun airport. CM Pushkar Singh Dhami was also present at the airport.

Shah will hold review meetings and take stock of the situation & conduct an aerial survey following heavy rain in the state. pic.twitter.com/HEtb1gcasm

— ANI (@ANI) October 20, 2021

દુર્ઘટનામાં 7 હજાર કરોડનું નુકસાન

અસરગ્રસ્ત વિસ્તારોમાં નિરીક્ષણ કર્યા બાદ મુખ્યમંત્રી પુષ્કર સિંહ ધામીએ રુદ્રપુરમાં પત્રકારોને કહ્યું કે વરસાદથી પ્રદેશના તમામ માર્ગોને અસર પહોંચી છે.  લગભગ 7 હજાર કરોડનું નુકસાન થયાનો અંદાજો છે. જે વધીને 10 હજાર કરોડ સુધી પહોચી શકે છે. સંપર્ક માર્ગ, પુલ, ઘર વહી ગયા છે. વીજળી , પાણી, સંસ્થાન તથા સંચાર લાઈન ધ્વસ્ત છે. પ્રવાસીઓને કાઢવા માટે વાયુ સેનાના 3 હેલીકોપ્ટર લાગ્યા છે. તેમણે કહ્યં કે પહાડ તથા મેદાનમાં પાકને ઘણું નુકસાન થયું છે. અસરગ્રસ્ત વિસ્તારોમાં 10 હજાર ફુડ પેકેટ વિતરિત કરવામાં આવ્યા છે. મુખ્યમંત્રીએ કહ્યું છે કે દુધારુ પશુંઓ મારવા પર 30 હજાર રુપિયાનું વળતર આપવામાં આવશે.

આજે ગૃહમંત્રીનો મિનિટ ટુ મિનિટ કાર્યક્રમ

• 9:30 વાગે ગૃહ મંત્રી રાજ્યભવનથી જીટીસી હેલીપેડ માટે રવાના થશે.
• 9:45 વાગે જીટીસી હેલીપેડથી બીએસએફ હેલીકોપ્ટરના માઘ્યમથી  
• 11:30 વાગ્યા સુધી ગૃહમંત્રી અસરગ્રસ્ત વિસ્તારોનું નિરિક્ષણ કરશે.
• 11:40 વાગે જોલીગ્રાન્ટ એરપોર્ટ સ્થિત રાજ્ય અતિથિ ગૃહ પહોંચશે.
• 11:45 થી 12:45 વાગ્યા સુધી જોલીગ્રાન્ટ એરપોર્ટ સ્થિત રાજ્ય અતિથિ ગૃહમાં બેઠક કરશે. 
• 1:00 વાગે ગૃહમંત્રી અમિત શાહ જોલીગ્રાન્ટ એરપોર્ટથી આઈએએફ એરક્રાફ્ટથી નવી દિલ્હી રવાના થશે.