રિસર્ચ / કોરોનાને પગલે દેશમાં પહેલીવાર ડેડ બોર્ડી પર થઈ રહ્યું છે આવું રિસર્ચ, જો આમાં સફળ રહ્યા તો...

• આ શોધ એમ્સના 4 વિભાગ મળીને કરી રહ્યા છે
• સ્વજનો સરળતાથી ડેડબોર્ડી આપવા તૈયાર નથી
• શોધના પરિણામથી દર્દીઓના સારવારમાં મદદ મળશે

ઇન્ડિયન કાઉન્સિલ ઓફ મેડિકલ રિસર્ચ (આઈસીએમઆર)ની પરવાનગી અને એમ્સની એથિકલ કમિટીની મંજૂરી બાદ આ અધ્યયન શરુ કરવામાં આવ્યું છે. જેમાં મુખ્ય શોધકર્તા ફોરેન્સિક વિભાગના એડિશનલ પ્રો. ડૉ. જયંતી યાદવ છે. પહેલી બોડીનું પોસ્ટમોર્ટમમાં તેમની સાથે વૃંદા પટેલ, ડૉ. સરવન, ડૉ. મહાલક્ષ્મીએ કર્યુ હતુ.

આ શોધ એમ્સના 4 વિભાગ મળીને કરી રહ્યા છે. આમાં પેથોલોજી વિભાગ, માઈક્રોબાયોલોજી વિભાગ, ફોરેન્સિક મેડિસિન વિભાગ અને ક્રિટિકલ કેર મેડિસિન વિભાગનો સમાવેશ થાય છે. સૌથી પહેલા ફોરેન્સિક વિભાગ શવનું પોસ્ટમોર્ટમ કરશે. માઈક્રોબાયોલોજી વિભાગ જોશે કે કોરોના ડેડ બોડીમાં જીવતો છે કે નહીં. વાયરલ લોડ કેટલો છે. સાથે જોશે કે કયા અંગોમાં વાયરલ લોડ છે એટલે કે વાયરસ કેટલી સંખ્યામાં છે. આ જ રીતે પેથોલોજી વિભાગ  તપાસ કરશે. માઈક્રોસ્કોપમાં જોશે કે અંગોને કેટલું નુકશાન થયું છે. તેમજ જોવાશે કે પોસ્ટમોર્ટમના પરિણામ અને લક્ષણોની વચ્ચે કેટલો સંબંધ છે.

લાશોના પરિક્ષણ માટે મૃતકના સ્વજનોની લેખિત પરવાનગી જરુરી હોય છે. સ્વજનો સરળતાથી ડેડબોર્ડી આપવા તૈયાર નથી. 5 પરિવાર સાથે વાત થઈ જેમાંથી 1 તૈયાર થયો છે.  એમ્સના ડૉય સરમન સિંહે કહ્યું કે દેશમાં પહેલાવાર આ પ્રકારનું અધ્યયન થઈ રહ્યુ છે. આનાથી ખબર પડશે કે અંગોમાં વાયરસ કેટલી અસર કરે છે. ડેડ બોડીમાં તે કેટલીવાર જીવતો રહે છે. શોધના પરિણામથી દર્દીઓના સારવારમાં મદદ મળશે.