અમિત શાહના હસ્તે નેશનલ ગેમ્સનો મેસ્કોટ અને એંથમ લોંચ
ગુજરાત પહેલીવાર નેશનસ ગેમ્સનું આયોજન કરવામાં આવ્યું છે. ગુજરાતના આંગણે યોજનાર આ રમતમાં દેશભરના 36 ગેમ્સના 20 હજાર રમતવીર ભાગ લેશે. જેના ભાગરૂપે આજે અમદાવાદના વિશાળ ટ્રાન્સસ્ટેડિયમ ખાતે કેન્દ્રીય ગૃહ અને સહકાર મંત્રી અમિત શાહના હસ્તે નેશનલ ગેમ્સનો મેસ્કોટ અને એંથમ લોંચ કરવામાં આવશે. વધુમાં નેશનલ ગેઈમ્સની વેબસાઈટ અને મોબાઇલ એપ્લિકેશન પણ લૉન્ચ કરાશે.
27 સપ્ટેમ્બરથી નેશનલ ગેમ્સનું આયોજન
ગુજરાતમાં 36મી નેશનલ ગેમ્સ આગામી 27 સપ્ટેમ્બરથી 10 ઓક્ટોબર દરમ્યાન ગુજરાતમાં યોજાશે. અમદાવાદના સાબરમતી રિવરફ્રંટ સ્પોર્ટ્સ ગ્રાઉન્ડમાં આયોજન કરાયું છે. ઇન્ડિયન ઓલમ્પિક એસો.,ગુજરાત ઓલમ્પિક એસો અને ગુજરાત સરકાર વચ્ચે MOU થયા બાદ આ આયોજનને લઇને લોકોમાં સ્પોર્ટ્સ પ્રત્યે એક નવો જ ઉત્સાહ જોવા મળી રહ્યો છે. ત્યારે આ વખતની નેશનલ ગેમ્સને અત્યાર સુધીની શ્રેષ્ઠ બનાવવામાં ગુજરાત કોઈ કસર ન છોડે તેવું આયોજન કરાયું છે.
દેશભરના 36 ગેમ્સના 20 હજાર રમતવીર ભાગ લેશે
આઝાદીના અમૃત મહોત્સવ પર્વે ગુજરાતમાં યોજાઇ રહેલી 36મી નેશનલ ગેઈમ્સ અંતર્ગત અમદાવાદ, ગાંધીનગર, વડોદરા, સુરત, રાજકોટ અને ભાવનગર ખાતે વિવિધ પ્રકારની 36 રમતો યોજાશે.જેમાં 36 રાજ્યો અને કેન્દ્રશાસિત પ્રદેશો રમતવીરો, પ્રશિક્ષકો અને રમતગમત ક્ષેત્રના અધિકારીઓ જોડાશે. જે તમામને આવકારવા સરકાર રાષ્ટ્રીય રમતોત્સવમાં આતુર છે.