ગજબ / નાસા વિશ્વમાં ડંકો વગાડ્યો: અંતરિક્ષયાન પાર્કર સોલર પ્રોબે પહેલી વખત સૂર્યનો કર્યો સ્પર્શ

• નાસા વિશ્વમાં ડંકો વગાડ્યો
• પાર્કર સોલર પ્રોબને 2018માં કરવામાં આવ્યું હતું લોન્ચ
• 100 કિમી પ્રતિ સેકન્ડની સ્પીડથી પસાર થઇ રહ્યું હતું અંતરિક્ષયાન

આ પ્રોબે હજુ સુધી ન જાણી શકાયેલા સૂર્યના વાતાવરણ જે કોરોના(Corona)થી ઓળખવામાં આવે છે, તેમાં ઘુસ્યું. નાસાના વૈજ્ઞાનિકોએ મંગળવારે અમેરિકન જિયોફિજિકલ યૂનિયનની બેઠક દરમિયાન આ ઉપલબ્ધિની જાહેરાત કરી.

અંતરિક્ષયાન પાર્કર સોલર પ્રોબે હકિકતમાં એપ્રિલ મહિનામાં સૂર્યની પાસેથી પોતાની 8મી યાત્રા દરમિયાન કોરોનામાંથી થઇને પસાર થયું હતું. વૈજ્ઞાનિકોએ જણાવ્યું કે, પ્રોબથી મળેલા ડેટાને મેળવવામાં કેટલાક મહિનાઓ લાગી ગયા અને પછી તેની પુષ્ટિ કરવામાં કેટલાક મહિના લાગ્યા.

☀️ Our #ParkerSolarProbe has touched the Sun!

For the first time in history, a spacecraft has flown through the Sun's atmosphere, the corona. Here's what it means: https://t.co/JOPdn7GTcv

#AGU21 pic.twitter.com/qOdEdIRyaS

— NASA (@NASA) December 14, 2021

પાર્કર સોલર પ્રોબને 2018માં કરવામાં આવ્યું હતું લોન્ચ

જૉન હૉપકિંસ યૂનિવર્સિટીના આ પ્રોજેક્ટના વૈજ્ઞાનિક નોઉર રાવઉફીએ કહ્યું કે, આ પાર્કર સોલર પ્રોબને વર્ષ 2018માં લોન્ચ કરવામાં આવ્યું હતું. પાર્કરે જ્યારે પહેલી વખત સૌર વાતાવરણ અને સૌર હવાઓને પાર કરવામાં આવ્યું હતું, ત્યારે તેઓ સૂર્યના કેન્દ્રથી 13 મિલિયન કિલોમીટર દૂર હતું. વૈજ્ઞાનિકોએ જણાવ્યું કે, આ દરમિયાન અંતરિક્ષ યાન પાર્કર સોલર પ્રોબ ઓછામાં ઓછા ત્રણ વખત કોરોનાની અંદર ઘુસ્યું હતું.

100 કિમી પ્રતિ સેકન્ડની સ્પીડથી પસાર થઇ રહ્યું હતું અંતરિક્ષયાન

યૂનિવર્સિટી ઑફ મિશિગનના જસ્ટિન કાસ્પરે મીડિયાને જણાવ્યું કે, પહેલો અને સૌથી નાટકીય સમય તે રહ્યો જ્યારે અમે પાંચ કલાક સુધી નીચે રહ્યા હતા. તેમણે કહ્યું કે, પાર્કર ખુબ જ ઝડપથી પસાર થઇ રહ્યું હતું અને આ દરમિયાન તેમની સ્પીડ 100 કિમી પ્રતિ સેકન્ડ હતી. તેમણે જણાવ્યું કે, કોરોનાની જેટલી આશા હતી તેનાથી વધુ ધૂળથી ભરેલું હતું. ભવિષ્યામાં કોરોનાના ભ્રમણથી વૈજ્ઞાનિકોને સૌર હવાઓની ઉત્પત્તિને યોગ્ય રીતે સમજવામાં મદદ મળશે.

તેમણે કહ્યું કે, આગળ પણ જાણ થશે કે કેવી રીતે આ ગરમ થાય છે અને અંતરિક્ષમાં કેવી રીતે વધે છે, કારણ કે સૂર્યની પાસે ઠોસ સપાટી નથી હોતી, એટલા માટે કોરોના ત્યાં હોય છે જ્યાં ક્રિયા થાય છે. આ ચુંબકીય રીતે ગહન ક્ષેત્રની નજીક શોધ કરવાથી વૈજ્ઞાનિકોને સૌર વિસ્ફોટોને યોગ્ય રીતે સમજવામાં મદદ મળી શકે છે જે અહીં પૃથ્વી પર જીવનમાં હસ્તક્ષેપ કરી શકે છે. પાર્કર આગળ સતત સૂર્યની નજીક આવતો રહેશે અને વર્ષ 2025માં પોતાની ગ્રેન્ડ ફિનાલેમાં કક્ષામાં પ્રવેશ કરશે.