જોખમ / NASA એ શોધ્યો પૃથ્વીની નજીકથી પસાર થનારો 1000મો લઘુગ્રહ, જાણો આપણા માટે કેટલો છે જોખમી

નાસાની જેટ પ્રોપલ્શન લેબોરેટરીએ પૃથ્વીથી માત્ર 1.7 મિલિયન કિલોમીટરના અંતરે પસાર થતો 1000 મો નિયર-અર્થ એસ્ટરોઇડ (NEA) ને ટ્રેક  કર્યો હતો. તેની હાજરી રડાર 2021 PJ1 થી પકડવામાં આવી હતી.  

65 થી 100 ફૂટ જેટલો પહોળો લઘુગ્રહ 

જ્યારે લઘુગ્રહ પૃથ્વી માટે કોઈ ખતરો ઉભો કરતો નથી, પણ તેના કદને ટ્રેક કરવાનું મુશ્કેલ બની ગયું હતું. પ્રારંભિક રડાર અવલોકનોએ બતાવ્યું કે તે 65 થી 100 ફૂટ જેટલો પહોળો છે. તેના નાના કદ છતાં, આઅ એસ્ટરોઇડ1000 મો પૃથ્વીની નજીકની નજીકથી પસાર થતો પદાર્થ બન્યો હતો. 

સાત દિવસ બાદ જો કે JPL દ્વારા પૃથ્વીની ની નજીક આવતા 1001 માં પદાર્થને ડિટેક્ટ કરવામાં આવ્યો હતો. આ વખતે તે પહેલા કરતા પણ મોટો હતો. 2016 AJ193 તરીકે ઓળખાતો હતો, તેણે પૃથ્વીને લગભગ 3.4 મિલિયન કિલોમીટરના અંતરે પસાર કરી હતી. 

એસ્ટરોઇડ્સ શું છે?
એસ્ટરોઇડ્સ આશરે 4.6 અબજ વર્ષો પહેલા સૌરમંડળની રચનામાંથી બાકી રહેલા ખડકના ટુકડાઓ જ છે. એસ્ટરોઇડ ટ્રેક કરતી નાસા જોઇન્ટ પ્રોપલ્શન લેબોરેટરી (જેપીએલ) મુજબ, જ્યારે આપણા ગ્રહથી તેનું અંતર પૃથ્વીથી સૂર્યના અંતર કરતાં 1.3 ગણાથી ઓછું હોય ત્યારે તેને નિયર અર્થ ઓબ્જેક્ટ તરીકે માનવામાં આવે છે. ઉલ્લેખનીય છે કે પૃથ્વીથી સૂર્યનું અંતર લગભગ 93 મિલિયન માઇલ છે.

નાસા પૃથ્વીની નજીકના 26,000 થી વધુ એસ્ટરોઇડને ટ્રેક કરે છે અને તેમાંથી 1,000 ને સંભવિત જોખમી માનવામાં આવે છે.

વૈશ્વિક રડાર સિસ્ટમ જે NEO ને ટ્રેક કરે છે
નાસાના એસ્ટરોઇડ રડાર સંશોધન કાર્યક્રમનું નેતૃત્વ કરનારા લાન્સ બેનરે એક નિવેદનમાં જણાવ્યું હતુ કે  “2021 PJ1 એ એક નાનકડો એસ્ટરોઇડ છે, તેથી જ્યારે તે આપણને એક મિલિયન માઇલથી વધુ અંતરે પસાર કરે છે, ત્યારે આપણે તેની વિગતવાર રડાર ઇમેજ મેળવી શકતા નથી. તેમ છતાં તે અંતર પર પણ, ગ્રહોની રડાર તેને શોધવા અને તેના વેગને ખૂબ જ ચોકસાઈથી માપવા માટે પાવરફૂલ છે, જેણે તેના ભાવિ ગતિ વિશેના આપણાં જ્ઞાનમાં નોંધપાત્ર સુધારો કર્યો છે, ”

આ રડાર ડિટેકશન કે જે ઝડપી ગતિ કરતાં પદાર્થોમાં પણ કારગર છે તેની 1968 માં શરૂઆત થઈ હતી, ખગોળશાસ્ત્રીઓને NEO ની ભ્રમણકક્ષાને સમજવામાં તે ખૂબ મદદ કરે છે, જે ભવિષ્યની ગતિની ગણતરીને દાયકાઓ સુધી અને સદીઓ સુધી કરી શકે છે અને ચોક્કસપણે આગાહી કરવામાં મદદ કરે છે કે શું કોઈ લઘુગ્રહ પૃથ્વી પર ટકરાશે કે નહીં, અથવા શું તે માત્ર નજીકથી પસાર થવાનો છે.