BIG NEWS / ભાજપ શાસિત રાજ્યોના મુખ્યમંત્રીઓની આજે દિલ્હીમાં બેઠક, PM મોદી પણ ભાગ લેશે, જોઈ લો શું છે એજન્ડા

• દિલ્હીમાં આજે ભાજપના મુખ્યમંત્રીઓની બેઠક
• કેટલાય મહત્વના મુદ્દા પર થશે ચર્ચા
• પીએમ મોદી અને જેપી નડ્ડા રહેશે હાજર

રાજધાની દિલ્હીમાં આજે ભાજપ શાસિત તમામ રાજ્યોના મુખ્યમંત્રીઓ અને નાયબ મુખ્યમંત્રીઓની મહત્વની બેઠક થશે. દિલ્હીમાં આવેલ પાર્ટી હેડક્વાર્ટરમાં થનારી આ બેઠકનું નેતૃત્વ ભાજપ અધ્યક્ષ જેપી નડ્ડા અને બીએસ સંતોષ કરશે. આ બેઠકમાં પ્રધાનમંત્રી મોદી પણ ભાગ લેશે. કહેવાય છે કે, ભાજપ તરફથી આ બેઠકમાં કેટલાય મહત્વના મુદ્દા પર ચર્ચા થશે. સાથે જ રાજ્યોમાં સરકાર તરફથી રણનીતિ પર પણ ચર્ચા થશે. પ્રાપ્ત વિગતો અનુસાર જોઈએ તો, આ બેઠકમાં રાજ્યોના કામકાજ પર વાતચીત થવાની છે. 

કહેવાય છે કે, રવિવારે દિલ્હીમાં થનારી મુખ્યમંત્રીઓની બેઠકમાં મોદી સરકારના છેલ્લા 8 વર્ષ દરમિયાન કરવામા આવેલા કામોને જનતા સામે રજૂ કરવાની રણનીતિ તૈયાર કરવા પર ચર્ચા થઈ શકે છે. તેની સાથે જ આગામી અમુક વર્ષમાં રાજ્યોમાં થનારી વિધાનસભા ચૂંટણી અને 2024ની લોકસભા ચૂંટણીને લઈને રણનીતિ તૈયાર કરવા પર વાતચીત થઈ શકે છે. એવું પણ જાણકારી સામે આવી છે કે, પાર્ટીને મજબૂત કરવા અને મોર્ચા સ્તર પર કમિટિ બનાવવા માટેની પણ મંજૂરી આ બેઠકમાં મળી શકે છે. 

નડ્ડાએ કરી મહત્વની નિમણૂંક

તો વળી ભાજપ અઘ્યક્ષ જેપી નડ્ડાએ ગુરૂવારે જ પાર્ટીની રાજ્ય કમિટિમાં અમુક મહત્વના સંગઠનાત્મક નિમણૂંકને મંજૂરી આપી છે. જે અંતર્ગત આરએસએસના રાજેશ જીવીને કર્ણાટકના સંગઠન મહાસચિવ બનાવ્યા છે. રાજેશ જીવીએ અરુણ કુમારનું સ્થાન લીધું છે. કુમાર આરએસએસમાં પાછા ફર્યા છે. ભાજપની તરફથી એક સત્તાવાર નિવેદનમાં પૂર્વોત્તર રાજ્યમાં ક્ષેત્રિય સંગઠન મહામંત્રીની જવાબદારી સંભાળી રહેલા અજય જામવાલને મધ્ય પ્રદેશ અને છત્તીસગઢના ક્ષેત્રિય સંગઠન મહામંત્રી બનાવ્યા છે.