રમઝાનની શરુઆતથી દેશમાં કોમી એકતાનો ભંગ કરતી ઘણી ઘટનાઓ બની છે તેની સામે રાજસ્થાનની એક ઘટનાએ દેશની સામે કોમી એકતાની મિશાલ પૂરી પાડી છે.
રાજસ્થાનના કોટામાં કોમી એકતાનું ઉદાહરણ
મુસ્લિમોએ હનુમાન શોભાયાત્રા પર ફૂલ વરસાવ્યાં
લોકોને વહેંચ્યું શરબત, અનેક કરતબ દેખાડ્યાં
છેલ્લા કેટલાક સમયથી દેશમાં કોમી શાંતિનો ભંગ કરતી ઘણી ઘટનાઓ બની છે ત્યારે રાજસ્થાનમાં પણ તેનાથી બરાબર વિપરીત ઘટના બની છે જેણે સમગ્ર દેશવાસીઓનું દિલ જીતી લીધું છે. રાજસ્થાનના કોટામાં કોમી એકતાની મિસાલનું એક અનોખુ ઉદાહરણ જોવા મળ્યું છે. દેશમાં આજે જ્યારે કોમી એકતાને હણી નાખતી ઘટનાઓ રોજબરોજ બની રહી છે ત્યારે કોટામાં બનેલી ઘટનાઓ ખરેખર જાણવા જેવી છે.
#WATCH Madhya Pradesh | People from the Muslim community shower flower petals on devotees during the Hanuman Jayanti procession in Bhopal yesterday pic.twitter.com/3d3riqgo22
મુસ્લિમોએ હનુમાન જયંતીની શોભાયાત્રાનું સ્વાગત પુષ્પવર્ષાથી કર્યું
દેશના કેટલાક ભાગોમાં સાંપ્રદાયિક અથડામણની ઘટનાઓ વચ્ચે કોટાના એક વિસ્તારના મુસ્લિમોએ હનુમાન જયંતીની શોભાયાત્રાનું સ્વાગત પુષ્પવર્ષા કરીને અને શરબત વહેંચીને કર્યું હતું. રામગંજ મંડી શહેરના ખેરાબાદ વિસ્તારમાંથી શોભાયાત્રા પસાર થઈ રહી હતી ત્યારે કેટલાક મુસ્લિમ યુવાનોએ તેમની પરંપરાગત માર્શલ આર્ટ કુશળતાનું પ્રદર્શન કર્યું હતું અને કોમી એખલાસનો સંદેશો આપ્યો હતો. આ શોભાયાત્રા ખેરાબાદ ગામના હનુમાન મંદિરથી શનિવારે સાંજે નીકળી હતી અને લગભગ બે કિલોમીટરનું અંતર કાપીને મુસ્લિમ બહુમતી ધરાવતા વિસ્તારમાંથી પસાર થઈ હતી અને તેના માર્ગમાં બે મસ્જિદો હતી.
आज रामनवमी पर निकली शोभायात्राओं का अनेकों स्थानों पर मुस्लिम, सिख समेत दूसरे धर्मों के लोगों ने स्वागत किया। यह भाईचारा हमारे प्रदेश की पहचान है एवं यही हमारी संस्कृति एवं तहज़ीब का प्रतीक है। pic.twitter.com/v90hNI45Ix
શોભાયાત્રામાં મોટાભાગના લોકોએ કેસરીયો ખેસ પહેર્યો હતો. તાહિર અહેમદની આગેવાનીમાં મુસ્લિમોએ આ સરઘસને આવકાર્યું હતું, ફૂલોનો વરસાદ કર્યો હતો અને તેમાં ભાગ લેનારાઓને હાર પહેરાવ્યા હતા. તેઓએ આ વિસ્તારની બે મસ્જિદોની બહાર સ્ટોલ પણ લગાવ્યા હતા અને ભક્તોને ઠંડુ પાણી અને શરબત અર્પણ કર્યું હતું.
દેશમાં વધી કોમી એકતાનો ભંગ કરતી ઘટનાઓ
ઉલ્લેખનીય છે કે દેશમાં છેલ્લા કેટલાક સમયથી કોમી શાંતિનો ભંગ કરતી ઘણી ઘટનાઓ બની છે. ધાર્મિક સરઘસમાં બબાલની પણ ઘટનાઓ વધી રહી છે.