વિવાદ / અભિનેત્રી કંગના રનૌત અને તેની બહેનને મુંબઈ પોલીસનું સમન્સ, રાજદ્રોહના કેસમાં હાજર થવાની સૂચના

• બોલિવૂડ અભિનેત્રી કંગના રનૌતને સમન્સ 
• મુંબઈ પોલીસ પાઠવ્યું સમન્સ
• 26 ઓક્ટોબરે બંને બહેનોને હાજર થવાની સૂચના 

રાજદ્રોહના કેસમાં બાંદ્રા પોલીસે બોલીવુડની અભિનેત્રી કંગના રનૌત અને તેની બહેન રંગોલી ચંદેલને સમન્સ પાઠવ્યા છે.IPC ની કલમ 124 અ હેઠળ ગુનો નોંધાયો છે 

બંને બહેનોને પોલીસ સ્ટેશન હાજર થવાની સૂચના 

બંને બહેનોને અનુક્રમે સોમવાર અને મંગળવારે પોલીસ સ્ટેશન બોલાવવામાં આવ્યા છે. ઉલ્લેખનીય છે કે આ કેસમાં એક વકીલે આ બંનેની વિરુદ્ધમાં ફરિયાદ માટે અરજી કરી હતી જેમાં બાદમાં બાંદ્રા કોર્ટના મજીસ્ટ્રેટના હુકમથી બૉલીવુડ એક્ટ્રેસ કંગના રનૌત અને તેની બહેન રંગોલી ચંદેલની વિરુદ્ધમાં ફરિયાદ દાખલ કરવામાં આવી હતી. 

પ્રાપ્ત માહિતી અનુસાર આ કેસમાં બંને બહેનોને અનુક્રમે 26 અને 27 ઑક્ટોબરે હજાર થવાની સૂચના આપવામાં આવી છે, ફરિયાદના આધારે જાણવા મળ્યું છે કે બંનેની ઉપર ઇંડિયન પિનલ કોડની કલમ 124 A લગાડવામાં આવી છે.
 
શું છે મામલો? 

17 ઓક્ટોબર, 2020 ના રોજ, અભિનેત્રી કંગના રનૌત સામે વાદી મુન્વર અલી ઉર્ફે સાહિલ જે મુંબઇનો નિવાસી શખ્સ છે તેણે બાંદ્રા પોલીસ સ્ટેશનમાં ફરિયાદ નોંધાવી હતી. જેમાં કંગના રનૌત  પર IPC ની કલમ 153 A , 295 A, 124 A હેઠળ ફરિયાદ નોંધવામાં આવી છે. 

રાજદ્રોહના આ કેસમાં કોર્ટે પોલીસને તાકીદે આગળની કાર્યવાહી અને તપાસ કરવા આદેશ આપ્યો છે. હવે પોલીસે કંગના રનૌત અને તેની બહેન રંગોલી ચંદેલ ને પુછપરછ માટે પોલીસ સ્ટેશન બોલાવ્યા છે. બંને બહેનોને સોમવાર અને મંગળવારે બોલાવવામાં આવી છે. 

કંગના બોલિવૂડનું નામ ખરાબ કરી રહી છે તેવો આક્ષેપ 

મહત્વનું છે કે કાસ્ટિંગ ડિરેક્ટર સાહિલ અશરફ સૈયદની ફરિયાદ બાદ બાન્દ્રા કોર્ટે તાજેતરમાં કંગના અને તેની બહેન સામે કેસ ચલાવવાનો આદેશ આપ્યો હતો. કોર્ટમાં કરેલી અરજીમાં કહેવામાં આવ્યું છે કે કંગના રનૌત  સતત બોલિવૂડને બદનામ કરવાનો પ્રયાસ કરી રહી છે.

સોશિયલ મીડિયા પ્લેટફોર્મથી માંડીને ટીવી સુધી, બધે જ તે બોલિવૂડ ની વિરુદ્ધમાં બોલી રહી છે. તે બોલિવૂડ ને સતત નેપોટિઝમ અને ફેવરિટિઝમનું કેન્દ્ર કહે છે