અદાણી ગ્રુપના માલિક ગૌતમ અદાણી ફરી વાર એશિયાના બીજા સૌથી અમીર બિઝનેસમેન બન્યાં છે. છેલ્લા 1 વર્ષમાં તેમણે દરરોજ 1,002 કરોડની કમાણી કરી છે.
ગૌતમ અદાણી એશિયાના બીજા સૌથી અમીર બિઝનેસમેન બન્યાં
છેલ્લા 1 વર્ષમાં તેમણે દરરોજ 1,002 કરોડની કમાણી કરી
ગૌતમ અદાણીની સંપત્તિ 5.05 લાખ કરોડ થઈ
અંબાણીએ છેલ્લા એક વર્ષમાં દરરોજ 163 કરોડની કમાણી કરી
IIFL વેલ્થ હુરુન ઈન્ડીયા રિચ લિસ્ટ 2021 માં જણાવાયું
હાલમાં ગૌતમ અદાણીની સંપત્તિ 5.05 લાખ કરોડ થઈ છે. એક વર્ષ પહેલા તેમની સંપત્તિ 1.40 લાખ કરોડ રુપિયા હતી.
મુકેશ અંબાણી સૌથી મોટા અમીર
ભારતના સૌથી અમીર પરિવારમાં મુકેશ અંબાણીનો પરિવાર સામેલ છે. મુકેશ અંબાણીએ છેલ્લા એક વર્ષમાં દરરોજ 163 કરોડની કમાણી કરી હતી. તેમની સંપત્તિમાં 9 ટકાનો વધારો થયો છો તેમની સંપત્તિ હાલના સમયે 7.18 લાખ કરોડ છે. અંબાણીની તુલનામાં અદાણી છેલ્લા વર્ષમાં દરરોજ 6 ગણા વધારે પૈસા કમાણા હતા.
અદાણીના સંપત્તિમાં
IIFL વેલ્થ હુરુન ઈન્ડીયા રિચ લિસ્ટ 2021 ના જણાવ્યાનુસાર ગૌતમ અદાણીની સંપત્તિ એક વર્ષમાં લગભગ 4 ગણી વધી છે. 59 વર્ષીય અદાણી ફરી વાર એશિયાના બીજા સૌથી મોટા અમીર બિઝનેશમેન બની ગયા છે. ચાલુ વર્ષના મે મહિનામાં તેઓ એશિયાના બીજા નંબરના અમીર બિઝનેશમેન બન્યા હતા. જોકે તેમની કંપનીઓમાં વિદેશી રોકાણકારોની ખબરને કારણે તેમની કંપનીઓમાં શેરમાં મોટો ઘટાડો આવ્યો હતો તેને કારણે અદાણીની સંપત્તિ પણ ઘટી ગઈ હતી.
અદાણીના શેરની કિંમત વધી રહી છે
છેલ્લા કેટલાક સમયથી અદાણીના શેર્સની કિંમત વધવા લાગી છે. અદાણીએ અત્યાર સુધી બીજા નંબર પર રહેલા ચીનના ઝોંગ શનશાનને પાછળ છોડી દીધા છે. પહેલી વાર ગૌતમ અદાણી અને દુબઈમાં રહેનાર તેમના ભાઈ વિનોદ અદાણી આઈઆઈએફએલ વેલ્થ હુરુન ઈન્ડીયાના રિચ લિસ્ટમાં એકીસાથે ટોપ-10 માં આવ્યાં છે. તેમના ભાઈ એશિયામાં 8 મા નંબરના સૌથી અમીર બિઝનેશમેન છે. તેઓ પહેલા 12 મા નંબરે હતા.