બિઝનેસ / મુકેશ અંબાણીએ વેચ્યો ખાલી 1.75 ટકા હિસ્સો અને મળી ગયા આટલા હજાર કરોડ, રિલાયન્સે કરી જાહેરાત

મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝ લિમિટેડ (RIL) એ શનિવારે માહિતી આપી છે કે કંપનીને સિલ્વર લેક પાર્ટનર્સ પાસેથી રૂ. 7,500 કરોડ મળ્યા છે. અમેરિકાના કેલિફોર્નિયામાં આવેલી આ ખાનગી ઇક્વિટી ફર્મ (SLP) એ રિલાયન્સ રિટેલમાં 1.75 ટકા હિસ્સો ખરીદ્યો છે. 9 સપ્ટેમ્બરના રોજ રિલાયન્સ ઇન્ડસ્ટ્રીઝે જાહેરાત કરી હતી કે સિલ્વર લેક 7,500 કરોડમાં રિલાયન્સ રિટેલ રીચર્સ વેંચર્સ લિમિટેડ (આરઆરવીએલ) માં 1.75 ટકા હિસ્સો ખરીદે છે.

કંપનીએ નિયામકીય ફાઇલિંગમાં માહિતી આપી

શનિવારે રિલાયન્સ ઇન્ડસ્ટ્રીઝે એક નિયામકીય ફાઇલિંગમાં જણાવ્યું હતું કે, "રિલાયન્સ રિટેલ વેન્ચર્સ લિમિટેડને સિલ્વર લેક પાર્ટનર્સ પાસેથી 7,500 કરોડ રૂપિયાની સબસ્ક્રિપ્શન રકમ મળી છે. "ઇક્વિટી હિસ્સાની ફાળવણી પછી, SLP રેન્બો હોલ્ડિંગ્સ (SLP Rainbow Holdings) પાસે RRVLમાં કુલ 1.75 ટકાની ઈક્વિટી શેર કેપિટલ છે. સિલ્વર લેક દ્વારા આ રોકાણ RRVLના પ્રી-મની ઈક્વિટી વેલ્યુ 4.21 લાખ કરોડ રૂપિયાના આંકલન બાદ થયું છે. 

Jio માં પણ રોકાણ કરી ચૂક્યું છે સિલ્વર લેક

આ સાથે, તેણે સિલ્વર લેક દ્વારા રિલાયન્સ ઇન્ડસ્ટ્રીઝની બીજી પેટા કંપનીમાં રોકાણ  પણ કર્યું છે. આ પહેલા કંપનીએ 2020 માં જ રિલાયન્સ જિયો પ્લેટફોર્મ્સમાં 10,202.55 કરોડ રૂપિયાનું રોકાણ કર્યું છે. જિઓ પ્લેટફોર્મ્સ પર રોકાણ કરવા માટે ફેસબુક પછી સિલ્વર ફેસબુક અમેરિકાની બીજી કંપની બની છે. જિઓ પ્લેટફોર્મમાં, સિલ્વર લેકે બે ભાગમાં કુલ 2.08 ટકા હિસ્સો ખરીદ્યો છે. અગાઉ સોશિયલ મીડિયા કંપની ફેસબુકે જિઓ પ્લેટફોર્મમાં 9.99 ટકા રોકાણ કરવાની જાહેરાત કરી હતી.

રિલાયન્સ રિટેલ, દેશભરમાં તેની પહોંચ રાખનારી સૌથી મોટો, ઝડપથી વિકસતો અને સૌથી નફાકારક રિટેલ બિઝનેસ છે. રિલાયન્સ રિટેલ બિઝનેસમાં લગભગ 64 કરોડ ગ્રાહકો છે.