મોટા સમાચાર / મુકેશ અંબાણી પોતાના ઉત્તરાઅધિકારી માટે બનાવી રહ્યા છે મોટો પ્લાન, જાણો કોના હાથમાં આવશે રિલાયન્સની કમાન

• મુકેશ અંબાણી બનાવી રહ્યા છે મોટો પ્લાન 
• રિલાયન્સના ઉત્તરાઅધિકારી માટે બનાવે છે મોટો પ્લાન 
• હાલ તેઓ 208 અરબ ડોલર સંપત્તિના માલિક 

એશિયાના સૌથી ધનવાન વ્યક્તિ મુકેશ અંબાણી તેમની સંપત્તિના ઉત્તરાઅધિકારી માટે મોટો પ્લાન બનાવી રહ્યા છે. આપને જણાવી દઈએ કે મુકેશ અંબાણી પાસે 208 અરબ ડોલર જેટલી સંપત્તિ છે. જે ભારતીય કરન્સી પ્રમાણે ગણવા જઈએ તો 15.48 લાખ કરોડ રૂપિયા થાય છે. જેના માટે તેઓ મોટી યોજના બનાવી રહ્યા છે. 

મેનેજમેન્ટ કંટ્રોલ અલગ અલગ હાથમાં 

મીડિયા રિપોર્ટ પ્રમાણે તેલથી લઈને ટેલીકોમ સુધી ફેલાયેલો રિલાયન્સના કારોબારના ઉત્તરાઅધિકારી માટે મુકેશ અંબાણી વાલ્ટન પરિવારની જેમ નિર્ણય લેશે એટલે કે પરિવારને કેન્દ્રમાં રાખીને તેઓ મેનેજમેન્ટ કંટ્રોલ અલગ અલગ હાથમાં આપવાના છે. 

ઉત્તરાઅધિકારી માટે બનાવી રહ્યા છે મોટી યોજના 

હાલતો મુકેશ અંબાણીએ એવી કોઈ જાહેરાત નથી કરે તેઓ રિટાયર્ડ થવા માગે છે. પરંતું તેમના કામકાજને જોતાતો એવું લાગી રહ્યું છે કે તેઓ પોતાના ઉત્તરાઅધિકારી માટે મોટી યોજના બનાવી રહ્યા છે. રિલાયંસ ઈન્ડસ્ટ્રીંમાં મુકેશ અંબાણીનો ભાગ વધીને 50.6 ટકા પહોચી ગયો છે. જ્યારે અગાઉ માર્ચ 2019માં તેમનો ભાગ 47.27 ટકા હતો. 

ટેલીકોમ સેક્ટર ઈશા અને અકાશ સંભાળી રહ્યા છે

ગત જૂન મહિનામાં તેમણે એ વાતનો ઉલ્લેખ કર્યો હતો કે હવે તેમનો પરિવાર તેમનું સામ્રાજ્ય સંભાળશે. હાલ તેમની સંતાન આકાશ અને ઈશા અંબાણી ટેલીકોમનો કારોબાર સંભાળી રહ્યા છે. 2014માં તેમણે  આ જવાબદારી તેમના સંતાનોને સોંપી હતી. હાલ અનંત અંબાણી જીયો પ્લેટફોર્મના ડાયરેક્ટર છે. 

ફેમેલી હોલ્ડિંગને ટ્રસ્ટની જેમ બનાવશે 

ઉલ્લેખનીય છે કે એક રિપોર્ટ મુજબ એવી માહિતી સામે આવી છે કે મુકેશ અંબાણી પોતાની સંપત્તિ માટે ફેમેલી હોલ્ડિંગને એક ટ્રસ્ટની જેમ બનાવશે. આ ટ્રસ્ટ રિલાયંસ ઈન્ડસ્ટ્રી પર પર નિયંત્રણ રાખશે. જેના બોર્ડમાં પરિવારના દરેક સભ્યોને શામેલ કરવામાં આવશે.