આ પ્રોપર્ટી વર્ષની શરૂઆતમાં બિઝનેસ મેન મુકેશ અંબાણીના સૌથી નાના પુત્ર અનંત અંબાણી માટે ખરીદવામાં આવી હતી.
રિલાયન્સ ઇન્ડસ્ટ્રીએ કરી દુબઈમાં સૌથી મોટી રેસિડેન્શિયલ ડીલ છે
રિલાયન્સ ઇન્ડસ્ટ્રી દ્વારા દુબઈમાં ખરીદવામાં આવ્યું બીચ સાઈડ વિલા
બીચ સાઈડ વિલા સૌથી નાના પુત્ર અનંત અંબાણી માટે ખરીદવામાં આવ્યું
ભારતના સૌથી સફળ બિઝનેસમેન વિશે કોઈ પૂછે તો સૌપ્રથમ મુકેશ અંબાણીનું નામ યાદ આવે. એવા જ મુકેશ અંબાણીને લઈને એક મોટા સમાચાર સામે આવી રહ્યા છે. સમાચારની માનીએ તો રિલાયન્સ ઇન્ડસ્ટ્રી લિમિટેડે દુબઈમાં 80 મિલિયન ડોલરનું એક બીચ સાઈડ વિલા ખરીદ્યું છે. જો કે હાલ આ વિલા ખરીદનારનું નામ સામે આવ્યું નથી. પણ અનેક બિઝનેસ રિપોર્ટ્સમાં આ વાત કહેવામાં આવી છે કે એ બીચ સાઈડ વિલા રિલાયન્સ ઇન્ડસ્ટ્રી દ્વારા ખરીદવામાં આવ્યું છે. સાથે એવું પણ કહેવામાં આવી રહ્યું છે કે આ દુબઈનો સૌથી મોટી રેસિડેન્શિયલ ડીલ છે.
80 મિલિયન ડોલર
રિપોર્ટ્સમાં છપાયેલ ખબર મુજબ દુબઈના પામ જુમેઇરાહની આ પ્રોપર્ટી વર્ષની શરૂઆતમાં બિઝનેસ મેન મુકેશ અંબાણીના સૌથી નાના પુત્ર અનંત અંબાણી માટે ખરીદવામાં આવી હતી. આ વિલા 80 મિલિયન ડોલરમાં ખરીદવામાં આવ્યો હતો અને આ વાત ડીલ કરાવનાર એક વ્યક્તિ દ્વારા કહેવામાં આવી હતી.
કઇંક આવો છે એ બીચ સાઈડ વિલા
આ વિલા વિશે વાત કરી તો એ બીચ સાઈડ વિલા હાથના આકારના માનવ નિર્મિત ટાપુના ઉત્તર ભાગમાં આવેલ છે. આ વિલામાં 10 બેડરૂમ સાથે જ પ્રાઈવેટ સ્પા પણ ઉપલબ્ધ છે. આ સિવાય વિલામાં ઇન્ડોર તેમજ આઉટડોર પૂલ પણ છે.
કોણ હશે અંબાણીના પાડોશી
દુબઈમાં ઘણા લોકો રોકાણ કરવા માટે પ્રોપર્ટી ખરીદે છે. રિલાયન્સ દ્વારા ખરદીવામાં આવેલ આ પ્રોપર્ટીની પાસેનું મેન્શન પણ વહેંચાઈ ગયું છે અને રિપોર્ટ્સની માનીએ તો બ્રિટિશ ફૂટબોલર ડેવિડ બેકહામ તેની પત્ની વિક્ટોરિયા અને બોલિવૂડના કિંગ ખાન તરીકે જાણીતા શાહરૂખ ખાને પણ ત્યાં જ આસપાસ પ્રોપર્ટી ખરીદી છે. તો આવનાર સમયમાં આ લોકો અંબાણીના પાડોશી બનશે.
રિલાયન્સે નથી આપી કોઈ પ્રતિક્રિયા
હજુ સુધી આ વાત પર રિલાયન્સ ઇન્ડસ્ટ્રી, મુકેશ અંબાણી કે તેના કોઈ બાળકો તરફથી પ્રતિક્રિયા આપવામાં આવી નથી. પણ સૂત્રોની માનીએ તો મુકેશ અંબાણીના નાના દીકરા અનંત અંબાણી માટે આ વિલા ખરીદવામાં આવ્યો છે.