બોલિવૂડમાં આમ તો ઘણી વખત સુવર્ણ સમય આવ્યો છે અને ઘણીવાર એવું કહેવામાં આવ્યું છે કે આ બોલિવૂડનો શ્રેષ્ઠ તબક્કો છે. પરંતુ વાસ્તવિક રીતે 60 વર્ષ પહેલાં બોલિવૂડે ઇતિહાસ રચ્યો હતો, જ્યારે સૌથી મોટી ફિલ્મ મુગલ-એ-આઝમની રિલીઝ કરવામાં આવી હતી. આ અત્યાર સુધીની સૌથી મોટી અને સફળ ફિલ્મ છે. આ ફિલ્મને કે. આસિફે ડિરેક્ટ કરી હતી અને આજે એટલે કે 14 જૂને તેમનો જન્મદિવસ છે.
60 વર્ષ પહેલાં બોલિવૂડે ઇતિહાસ રચ્યો હતો
જ્યારે સૌથી મોટી ફિલ્મ મુગલ-એ-આઝમની રિલીઝ કરવામાં આવી હતી
મુગલ-એ-આઝમ બનવામાં લાગ્યા હતા 14 વર્ષ
કે. આસિફ બોલિવૂડને એવા ડિરેક્ટર છે જેમણે તેમના કરિયરમાં માત્ર 2 જ ફિલ્મો બનાવી. એક ફિલ્મ હતી 'ફૂલ' અને બીજી મુગલ-એ-આઝમ. કે. આસિફે ફિલ્મો બનાવવાનો ખાસ કોઈ કોર્સ કર્યો નહોતો. તેમની પાસે બસ એક વિઝન હતું, જેને તેઓ રૂપેરી પડદે ઉતારવા માંગતા હતા.
કે. આસિફને મુગલ-એ-આઝમ ફિલ્મથી તક મળી. આ ફિલ્મ દ્વારા તેમણે બતાવી દીધું હતું કે કઈ રીતે હટકે અને સમયથી આગળ વિચારી શકાય છે અને વિચારોને પરિણામમાં પરિવર્તિત કરી શકાય છે. કે. લોકોને જાણીને આશ્ચર્ય થશે કે, આસિફને મુગલ-એ-આઝમ બનાવવામાં 14 વર્ષ લાગી ગયા હતા. એવું કહેવાય છે કે, આસિફે આ ફિલ્મનું કામ આઝાદી પહેલાં જ શરૂ કરી દીધું હતું. જ્યારે દેશમાં અંગ્રેજોનું શાસન હતું, એ જ સમયથી આસિફે આ ફિલ્મ બનાવવાનું વિચાર્યું હતું. તેમને મુગલ-એ-આઝમનો આઈડિયા અર્દેશીર ઈરાનીની ફિલ્મ 'અનારકલી'ને જોઈને મળ્યો હતો. તેમણે મુગલ-એ-આઝમ બનાવવામાં પાણીની જેમ પૈસા વાપર્યા હતા.
એ જમાનામાં 5-10 લાખમાં આખી ફિલ્મ બની જતી હતી, ત્યારે આસિફે કોરોડો સાથે રમવાનું વિચાર્યું હતું. તેમણે 1.5 કરોડમાં મુગલ-એ-આઝમ બનાવી હતી. તેમણે ફિલ્મ માટે બેસ્ટ કલાકારો પસંદ કર્યા હતા. ફિલ્મમાં લીડ રોલમાં દિલીપ કુમાર, મધુબાલા હતા, તો સંગીત માટે નૌશાદને પસંદ કરાયા હતા. ફિલ્મના ગીતાને પ્રખ્યાત સિંગર ગુલામ અલીએ અવાજ આપ્યો હતો.
એવું કહેવામાં આવે છે કે, તે સમયે ગુલામ અલી સાહેબ મુગલ-એ-આઝમ સાથે જોડાવા માંગતા ન હતા. તેમણે આસિફને ના પાડવા પણ કહ્યું, કે તેઓ 25000 ફી લેશે અને આસિફે એ જ સમયે ગુલામ અલી સાહેબને 10,000 રૂપિયા એડવાન્સ આપી દીધા. એ જમાનામાં લતા મંગેશકર અને રફી જેવા ગાયકોની ફી 300 થી 400 રૂપિયા હતી. આસિફના આ ઝનૂનના કારણે મુગલ-એ-આઝમનું સપનું સાકાર થયું. તેમને આ ક્લાસિક ફિલ્મ માટે ફિલ્મફેર એવોર્ડ અને નેશનલ ફિલ્મ એવોર્ડ પણ મળ્યો હતો. તેમ છતાં તેમનું કરિયર ફિલ્મો સુધી જ સીમિત રહ્યું અને વર્ષ 1971માં માત્ર 48 વર્ષની વયે તેમનું નિધન થઈ ગયું.