વડોદરાની એમ.એસ.યુનિવર્સિટીમાં વિદ્યાર્થિનીઓએ પ્રોફેસર એસ.કે.નગર પર આક્ષેપ કર્યા હતા. ત્યારે હવે વીટીવી સમક્ષ પ્રોફેસર એસ.કે.નાગરે પ્રતિક્રિયા આપી છે કે, યુનિવર્સિટીએ કમિટી બનાવી છે, હું કમિટી સમક્ષ જવાબ રજૂ કરીશ વિદ્યાર્થિનીઓએ મુકેલા તમામ આરોપ ખોટા છે. જે સત્ય હશે તે કમિટી બહાર લાવશે.
આ સાથે જ તેમણે વધુમાં જણાવ્યું હતું જો હું દોષિત હોઈશ તો કમિટી જે નિર્ણય લેશે તે હું સ્વીકારીશ. મે વિદ્યાર્થિનીઓ સાથે કઈ પણ ખોટું કર્યુ નથી. મારા પર લાગેતા તમામ આરોપ ખોટા છે. આ સવાલ વિદ્યાર્થિનીઓએ પોતે બનાવ્યા છે.
યુનિવર્સિટીના મેડિકલ ફેકલ્ટીના વિદ્યાર્થિનીઓએ પ્રોસેફર પર આક્ષેપ કર્યા છે કે, પ્રોફેસરે મૌખિક પરિક્ષામાં અશ્લીલ પ્રશ્નો પૂછ્યા. જેમાં લાઇનમાં શર્ટ વિનાના છોકરાઓ હોય તો બોડી વાઇસ કોને પસંદ કરો?, તારો કોઇ બોયફ્રેન્ડ છે, મારી બોડી જેવો ચાલે?, તને ડ્રાઇવિંગ ન આવડતું હોય તો હું શીખવાડી દઇશ. જેવા સવાલો પૂછ્યાં હતા.
એટલું જ નહીં બે વિદ્યાર્થિનીઓ પાસે ફોન નંબર પણ માગ્યા હતા. આ મામલે વિદ્યાર્થિનીઓએ જણાવ્યું કે, સામાન્ય રીતે કોઇ પર્સનલ નંબર માગતું નથી પણ તેમણે નંબર માગવું આઘાતજનક હતું.'