ક્રોધ બન્યો કાળ / ઘરમાં એકલા ફોન પર વાત કરી રહ્યા હતા ભાભી, નારાજ દિયરે જે કર્યું તે જાણી ગ્રામજનો હેબતાઈ ગયા

• મધ્ય પ્રદેશના જબલપુરની ઘટના
• દિયરે ભાભીનુ ગળુ કાપી કરી નાખી હત્યા
• ભાભીએ જવાબ ના આપતા કરી હત્યા

ભાભીએ નામ જણાવવાનો ઈન્કાર કરતા દિયરે કાપી નાખ્યું ગળું

હનુમંતલ પોલીસ સ્ટેશનના નિરીક્ષક ઉમેશ ગોલાનીએ જણાવ્યું કે જ્યારે ભંતલિયા શેરીમાં રહેતો આરોપી રાજા ચક્રવર્તી છરી લઇને પોલીસ સ્ટેશને પહોંચ્યો. તેમણે કહ્યું કે, ચક્રવર્તીએ કથિત રીતે પોતાના ભાઈની પત્ની રોશનીનું ગળુ કાપી નાખ્યું. આ ઘટના ત્યારે ઘટી જ્યારે રોશની કોઈની સાથે ફોન પર વાતચીત કરતી હતી.

આ કેસની તપાસ ચાલુ: પોલીસ

પોલીસના જણાવ્યાં મુજબ, રોશની પોતાના મોબાઈલ ફોન પર વાત કરતી હતી. રોશનીનો દિયર આ જોઈ ગયો તેથી તેણે રોશનીને પૂછ્યુ કે તે કોની સાથે વાતચીત કરતી હતી. રોશનીએ આ વાતનો જવાબ આપવાની ના પાડી દીધી. એટલે ઉશ્કેરાયેલા દિયરે રોશનીની હત્યા કરી દીધી. અધિકારીએ જણાવ્યું કે, જ્યારે પોલીસ આરોપીના ઘરે પહોંચી તો પોલીસે જોયુ કે મહિલા લોહીથી લથપથ હતી અને તેના ગળે ઈજાના નિશાન હતા. તેમણે જણાવ્યું કે આ ઘટના ઘટી ત્યારે પીડિતાનો પતિ, બાળકો અને પરિવારના સભ્યો ઘરમાં હાજર નહોતા. જોકે, અત્યારે આ કેસની તપાસ ચાલુ છે.