અજીબોગરીબ / ભારે કરી ! આઠ બાળકોની માતા 58 વર્ષિય પુરુષ સાથે ભાગી ગઈ, પતિએ પોલીસને કરી ફરિયાદ

• રાજસ્થાનમાંથી અજીબોગરીબ મામલો સામે આવ્યો
• આઠ બાળકોની માતા આધેડ વયના પુરુષ સાથે ભાગી ગઈ
• પતિએ પોલીસ સ્ટેશનમાં નોંધાવી ફરિયાદ

રાજસ્થાનના ભરતપુરમાં આઠ બાળકોની માતા એક 58 વર્ષિય આધેડ વયના પુરુષ સાથે પ્રેમ થઈ જતાં પોતાના પ્રેમી સાથે રહેવા ભાગી ગઈ હતી. ખાસ વાત તો એ છે કે, 58 વર્ષિય પુરુષ પણ ચાર સંતાનોનો પિતા છે. ત્યાં સુધી કે, પ્રેમીના પુત્રોના પણ લગ્ન થઈ ગયા છે. હકીકતમાં જોઈએ મહિલાના પતિએ મહિલાના પ્રેમી વિરુદ્ધ અપહરણનો કેસ દાખલ કરાવ્યો હતો, જેના પર પોલીસ તેને કોર્ટમાં રજૂ કર્યો હતો, જો કે, મહિલાએ પોતાના પ્રેમી સાથે જવાની જીદ પકડી રાખી.

શું છે સમગ્ર મામલો

ભરતપુરમાં કૈથવાડા પોલીસ સ્ટેશન હદ વિસ્તારના નીમલા ગામની આ ઘટના છે. અહીં રહેતી એક 45 વર્ષિય મહિલાને પોતાના પાડોશી સાથે પ્રેમ થઈ ગયો અને તે પોતાના પ્રેમી સાથે રહેવા માટે તેના ઘરે જતી રહી. તો વળી મહિલાનો પતિ ફારુકે પ્રેમી વિરુદ્ધ અપહરણનો કેસ નોંધાવ્યો હતો. ફરિયાદ બાદ પોલીસે મહિલાને કોર્ટમાં રજૂ કરી હતી. આ દરમિયાન મહિલાના બાળકો પણ કોર્ટમાં પહોંચ્યા હતા. અને પોતાની માતાને સમજાવાની કોશિશ કરવા લાગ્યા હતા. જો કે, માતાએ એકેય સંતાનની વાત માની નહીં અને પ્રેમી સાથે જવાની ઈચ્છા વ્યક્ત કરી હતી. પ્રાપ્ત વિગતો અનુસાર જોઈએ તો, પ્રેમી પણ 58 વર્ષિય છે અને અને ચાર સંતાનોનો પિતા છે. 

પોલીસનું શું કહેવું છે 

કૈથવાડા પોલીસ પ્રભારી રામનરેશ મુજબ મહિલાનો પતિ ફારુકે જે એફઆઈઆર નોંધાવી છે, તેમાં આરોપ લગાવ્યો હતો કે, તેની પત્નીનું અપહરણ પાડોશીએ કર્યું છે. પત્નીને પાછી લાવવા માટે ગામના પંચ સમક્ષ પણ રજૂઆત કરી. પણ મહિલાએ તેની એક પણ વાત માની નહીં. ત્યાર બાદ પોલીસમાં ફરિયાદ નોંધાવી. જો કે, મહિલાએ કોર્ટમાં પણ પતિ પાસે નહીં પણ પ્રેમી સાથે રહેવાની જીદ પકડી હતી.