મુંબઇ: હવામાન વિભાગે આવતા બે દિવસમાં મોન્સૂનનું મહારાષ્ટ્ર અને ગોવા પહોંચવાની શક્યતા વ્યક્ત કરી છે. સરકારે કહ્યું છે કે મોન્સૂન ઝડપ પકડી રહ્યું છે અને કેરલ તટીય કર્ણાટક કોંકણ ક્ષેત્ર અને ગોવામાં સાત જૂનથી વરસાદ ઝડપી આવશે. હવામાનનું પૂર્વાનુમાન ચલાવનારી એક ખાનગી કંપની પ્રમાણે આ સપ્તાહના અંતમાં આ ભાગમાં ભારે વરસાદ પડી શકે છે. 8 થી 10 જૂનની વચ્ચે પશ્વિમી તટ અને ખાસ કરીને મુંબઇમાં વરસાદ આવવાનો આસાર છે.
હવામાન વિભાગે 10 જૂન બાદ આ વિસ્તારોમાં પૂરની આશંકા વ્યક્ત કરી છે. હવામાન વિભાગ પ્રમાણે મોનસૂન પોતાના નિર્ધારિત સમયથી ત્રણ દિવસ પહેલા 29 મે કેરલ પહોંચી ગયું હતું. આ તમિલનાડુ અને બંગાળની ખાડીના દક્ષિણ પશ્વિમ પશ્વિમ મધ્ય પૂર્વ મધ્ય ઉત્તર પૂર્વ અને પૂર્વોત્તરના રાજ્યોની તરફ વધી ચુક્યું છે.
નોંધનીય છે કે મહારાષ્ટ્રમાં મોન્સૂનના પહેલા વિકેન્ડ દરમિયાન છેલ્લા 72 કલાકમાં વિવિધ ઘટનાઓમાં ઓછામાં ઓછા 13 લોકો મૃત્યુ પામ્યા છે. એમાંથી વધારે લોકોના મૃત્યુ પાણીમાં ડૂબવાથી થયા છે.