વરસાદ / ગુજરાતમાં બીજા દિવસે પણ મેઘરાજાની જોરદાર બેટીંગ, રાજ્યના 206 તાલુકા પાણીથી તરબોળ

રાજ્યમાં સિઝનનો સરેરાશ વરસાદ 116.59% નોંધાયો છે જેમાંથી 27 તાલુકામાં 10 ઈંચ થી લઈને 20 ઈંચ સુધીનો વરસાદ નોંધાયો છે જ્યારે 155 તાલુકામાં 20 ઈંચ થી 40 ઈંચ વચ્ચે વરસાદ નોંધાયો છે. 69 તાલુકામાં 40 ઈંચથી વધુ વરસાદ નોંધાયો છે. 

રાજ્યના કેટલાક ભાગમાં હજુ પણ વરસાદી સિસ્ટમ સક્રીય છે. આગામી 24 કલાકમાં અનેક વિસ્તારમાં વરસાદ થઈ શકે છે. નવસારી, વલસાડ, પંચમહાલ, દાહોદમાં વરસાદ થશે. તો સુરત વડોદરા અને અમદાવાદમાં ભારે વરસાદ થઈ શકે છે. તો બીજી તરફ ઉત્તર ગુજરાત અને સૌરાષ્ટ્રમાં દિવસભર વરસાદી માહોલ રહી શકે છે.

વીસાવદરમાં સૌથી વધુ વરસાદ
વીસાવદરમાં 6.5 ઈંચ વરસાદ, ગણદેવીમાં 5 ઈંચ, સુત્રાપાડામાં સવા 4 ઈંચ વરસાદ, જલાલપોરમાં 4 ઈંચ, ચોર્યાસીમાં 4 ઈંચ વરસાદ, નવસારીમાં 4 ઈંચ, અમદાવાદમાં 3.5 ઈંચ વરસાદ, દેહગામમાં 3.5 ઈંચ, ગઢડામાં 3.5 ઈંચ વરસાદ, ડોલવણમાં 3.5 ઈંચ, મહુવામાં 3.5 ઈંચ વરસાદ, રાજુલામાં સવા 3 ઈંચ, માંગરોળમાં સવા 3 ઈંચ , વાપીમાં સવા 3 ઈંચ, કડીમાં 3 ઈંચ વરસાદ, ડભોઈમાં પોણા 3 ઈંચ, સાવરકુંડલામાં પોણઆ 3 ઈંચ, માલપુરમાં 2.5 ઈંચ, ખંભાતમાં 2.5 ઈંચ વરસાદ પડયો છે 

જ્યારે ગાંધીનગરમાં 2.5 ઈંચ, માંડવિમાં 2.5 ઈંચ, જાંબુઘોડામાં 2.5 ઈંચ, સાણંદમાં 2.5 ઈંચ વરસાદ, વલ્લભીપુરમાં 2.5 ઈંચ, જાફરાબાદમાં 2.5 ઈંચ, વોલાદમાં સવા 2 ઈંચ, કપરાડામાં સવા 2 ઈંચ, ધંધૂકામાં સવા 2 ઈંચ, વાગરામાં સવા 2 ઈંચ, મહુધામાં સવા 2 ઈંચ, વાસોમાં 2 ઈંચ વરસાદ  પડ્યો હતો. 

જામજોધપુરમાં મોડીરાત્રે ધોધમાર વરસાદ શરૂ થયો હતો જેમાં જામજોધપુરમાં પોણા 2 ઇંચ વરસાદ, દશક્રોઈમાં 2 ઈંચ, બગસરામાં 2 ઈંચ વરસાદ, થરાદમાં 2 ઈંચ, બોટાદમાં 2 ઈંચ વરસાદ
બોટાદમાં 2 ઈંચ, કામરેજમાં 2 ઈંચ વરસાદ, ધોલેરામાં 2 ઈંચ, ઘોઘામાં 2 ઈંચ વરસાદ, મહેમદાવાદમાં 2 ઈંચ, વલસાડમાં 2 ઈંચ , વંથલીમાં 2 ઈંચ, વાલિયામાં 2 ઈંચ વરસાદ ખાબક્યો હતો. 

ડભોઈનું ચાંદોદ પાણીમાં ગરકાવ
ડભોઈના ચાંદોદમાં આવેલો મલ્મહાર ઘાટ પાણીમાં ગરકાવ થઈ ગયો છે.  ઉત્તરો ઉત્તર વધી રહેલી જળ સપાટીને કારણે ગામમાં પાણી ઘુસી જવાની ભીતિ સેવાઈ રહી છે. પાણીની સપાટી વધે તો ગામમાં પાણી આવવાની શક્યતા પોલીસ દ્વારા ચાંદોદ નર્મદા મંદિર પાસે બંદોબસ્ત ગોઠવાયો છે. તંત્ર દ્વારા ગ્રામ લોકોને નદી કિનારે ન જવાની સલાહ આપી છે. 
4 થી 5 કલાક માં પાણીની સપાટી વધશે તેવી સંભાવના સેવાઈ રહી છે. 

ભરૂચના રાજપારડીમાં પૂર- પોલીસ મદદે
ભરૂચ જિલ્લાના ઝઘડિયા તાલુકાના રાજપારડીમાં નર્મદા નદીમાં પાણી છોડાતા કાંઠા વિસ્તારના ગામોમાં પૂર આવ્યું હતું. સ્થાનિક પોલીસ જવાનોએ સાહસિકતા દાખવીને પૂરના પાણીમાં ફસાયેલા 30 ગ્રામજનોને બચાવ્યાં હતા. મુખ્યમંત્રી વિજય રૂપાણીએ રાજપારડીના પોલીસ જવાનોની પ્રશંસા કરી હતી.

સાબરમતીમાં પણ પાણીની આવક
અમદાવાદમાં પણ વરસાદ પડતા વાસણા બેરેજના દરવાજા ખોલાયા હતા. ગત મોડીરાત્રે પણ 5 દરવાજા ખોલાયા હતા. સાબરમતી નદીમાં પાણી ની આવક વધતા દરવાજા ખોલવા પડ્યા હતા.  નર્મદા કેનાલમાંહાલ 746 કયુસેક પાણી છોડાયું છે.