હવામાન / બંગાળની ખાડીમાં સર્જાયેલ લો પ્રેશરને પગલે ગુજરાતના આ વિસ્તારોમાં ભારે વરસાદની આગાહી

• ગુજરાતમાં 2 દિવસ રહેશે વરસાદ
• સામાન્યથી ભારે વરસાદની આગાહી
• 8 ઓગસ્ટ બાદ ઘટશે વરસાદનું જોર

જ્યારે ઉ.ગુજરાતમાં હળવાથી સામાન્ય વરસાદની આગાહી કરવામાં આવી છે. ભારે વરસાદની શક્યતાને જોતા માછીમારોને 3 દિવસ દરિયો ન ખેડવા સૂચના અપાઈ છે. જો કે રાજ્યમાં 8 ઓગસ્ટથી વરસાદનું જોર ધીમું રહેશે. તો અમદાવાદમાં આજે અને કાલે હળવાથી સામાન્ય વરસાદની શક્યતા છે. રાજ્યમાં અત્યાર સુધી કુલ 45 ટકા વરસાદ નોંધાયો છે. 

સૌરાષ્ટ્રમાં મેઘરાજાએ ધમાકેદાર એન્ટ્રી 

સૌરાષ્ટ્રમાં મેઘરાજાએ ધમાકેદાર એન્ટ્રી કરી છે. પોરબંદર જિલ્લામાં સાર્વત્રિક વરસાદ વરસ્યો. વરસાદ અને ભારે પવનના કારણે અનેક જગ્યાએ વૃક્ષો ધરાશાયી થયા છે તો વીજ પોલને પણ નુકસાન પહોંચ્યું છે. પોરબંદના  ખાંભોદર, કુણવદરમાં  સહિત મજીવાણા, નટવટવરનગરમાં મેઘમહેર જોવા મળી.

ગીર સોમનાથનો હિરણ-2 ડેમ ફરી ઓવરફ્લો

ગીર સોમનાથમાં સારા વરસાદના પગલે ગીર સોમનાથનો હિરણ-2 ડેમ ફરી ઓવરફ્લો થયો છે. ડેમ ઓવરફ્લો થતાં ડેમના 2 દરવાજા 0.45 મીટર ખોલાયા છે. ડેમમાંથી પાણી છોડાતા  ડેમના કમાન્ડ એરિયાના 13 ગામોને એલર્ટ કરાયા છે

મુંબઇમાં રેડ એલર્ટ 

દેશની આર્થિક રાજધાની મુંબઈમાં વરસાદથી હાહાકાર મચી ગયો છે. મુંબઈના અનેક વિસ્તારો પાણી પાણી થઈ ગયા છે. લોકોના ઘરમાં પાણી ઘુસી ગયા છે. મુંબઈના માર્ગો પર જાણે નદીઓ વહેતી હોય તેવા દ્રશ્યો દેખાઈ રહ્યા છે. દક્ષિણ મુંબઈના અનેક વિસ્તારોમાં પાણી ભરાઈ ગયા છે. અને મુંબઈ, થાણે, પાલઘરમાં હજુ પણ રેડ અલર્ટ જાહેર કરી દેવામાં આવ્યું છે. પ્રધાનમંત્રી નરેન્દ્ર મોદીએ પણ વરસાદ બાદની સ્થિતિ મામલે ઉદ્ધવ ઠાકરેને ફોન કર્યો છે. PM મોદીએ તમામ શક્ય મંદદની વાત કરી છે.