IPL પૂરી થયા પછી જ્યાં બેંક બેલેન્સથી ઘણા ક્રિકેટર્સ વિદેશ પ્રવાસ કરી રહ્યા છો તો કેટલાક ન્યૂકમર ક્રિકેટર્સ પોતાની સેલરીથી ખરીદી કરી રહ્યા છે. થોડા દિવસ પહેલા જ મુંબઇ ઇન્ડિયન્સની તરફથી રમતા ક્રિકેટર ઇશાન કિશને BMW X ખરીદી હતી ત્યારે રોયલ ચેલેન્જર્સ બેગલુરુની ટીમના ખેલાડી મોહમદ સિરાઝે હાલમાં જ પોતાની સેલરીમાંથી શાનદાર જીપ કમ્પસ SUV પોતાને જ ગિફ્ટ કરી છે. સિરાજે પોતાના ઈન્સ્ટાગ્રામ પર ન્યૂ કાર સાથે ફોટો શેર કર્યો અને કેપ્શનમાં લખ્યું કે New Ride..
સિરાઝની કારની કિંમત 14 થી 20 લાખ રૂપિયા છે. આ કાર અને એન્જિનની વાત કરીએ તો તેમાં 1.4 લીટરનું મલ્ટીએર ટર્બોચાર્જ્ડ પેટ્રોલ એન્જિન છે જે 162 પીએસનો પાવર અને 250 ન્યૂટન મીટરનો ટોર્ક જનરેટ કરે છે. આ એસયૂવીના પેટ્રોલ એન્જિન 7 સ્પીડ ડીસીટી ઓપ્શન સાથે આવે છે. 6 સ્પીડ મેન્યુઅલ ટ્રાંસમિશન પણ આપવામાં આવી રહ્યું છે.
મોહમ્મદ સિરાઝની પોતાની અંગત લાઇફમાં અત્યાર સુધી કોઇ ખાસ સુવિધા ભોગવી નથી. મહેનત અને લગનને કારણે આજે એક સ્થાન પર પહોંચ્યો છે. પુત્ર ક્રિકેટર બન્યા બાદ પિતાને તેના પર ગર્વ છે. આ ફોટો થોડા દિવસ પહેલા શેર કરી પોતાના માતા-પિતાને પોતાના અસલી હીરો ગણાવ્યા હતા.
IPL દરમિયાન રૉયલ ચેલેન્જર્સ બેંગ્લોર (RCB)નો કેપ્ટન વિરાટ કોહલી અને ટીમના બાકીના પ્લેયર્સ મોહમ્મદ સિરાઝના ઘરે હૈદરાબાદી બિરયાનીનો સ્વાદ માણ્યો હતો.24 વર્ષીય સિરાઝ 4 જુલાઈના રોજ ભારતીય-A ટીમ તરફથી વેસ્ટઈન્ડીઝ સામે મેદાનમાં ઉતરશે. આ મેચ લંડનના બેકહમમાં રમાશે.
સિરાઝનો જન્મ 1994માં હૈદરાબાદમાં થયો હતો. તેણે કોઈ ક્રિકેટ એકેડમીમાં ટ્રેનિંગ લીધી નહોતી. સિરાઝના પિતા રીક્ષા ચલાવતા હતા જેનાથી બે ટંક ભોજન અને દીકરાનો અભ્યાસ માંડ થઈ શકતો હતો. સિરાઝે ટેનિસ બૉલથી બોલિંગ શીખી.
મોહમ્મદ સિરાઝે 2015માં હૈદરાબાદની રણજી ટીમમાં પોતાની જગ્યા મળી હતી. આ દરમિયાન 9 મેચમાં એવરેજ 18.92 અવરેજથી 41 વિકેટ લીધી હતી.
ગત વર્ષે IPL દરમિયાન સનરાઈઝર્સ હૈદરાબાદે સિરાઝને 2.6 કરોડ રૂપિયામાં ખરીદ્યો હતો. જોકે તેને માત્ર 6 મેચ રમવાની જ તક મળી હતી. જેમાં તેણે 10 વિકેટ લીધી હતી.આ વર્ષે 2018માં સિરાઝને વિરાટ કોહલીના નેતૃત્વની ટીમ RCBએ 2.6 કરોડ રૂપિયામાં ખરીદ્યો હતો.