પીએમ મોદી પર બનેલી આ ફિલ્મમાં વિવેક ઓબેરોય મુખ્ય ભૂમિકામાં જોવા મળ્યો હતો. જોકે આ ફિલ્મે બોક્સ ઓફિસ પર કોઈ ખાસ પ્રદર્શન કર્યું ન હતું, પરંતુ આ હોવા છતાં પીએમ મોદી પર સતત ફિલ્મ પ્રોજેક્ટ્સ બનાવવામાં આવી રહ્યા છે. તાજેતરમાં જ આવી જ એક વેબસીરીઝનું ટ્રેલર રિલીઝ થયું છે જેમાં મહેશ ઠાકુર પીએમ મોદીની ભૂમિકા નિભાવી રહ્યા છે.
પીએમ મોદી પર વેબસીરીઝનું ટ્રેલર લોન્ચ
નરેન્દ્ર મોદીની CMથી PM સુધીની સફર બતાવવામાં આવશે
ઉલ્લેખનીય છે કે, આ શ્રેણીની પ્રથમ સીઝન એપ્રિલ 2019 માં રજૂ કરવામાં આવી હતી, જેમાં 10 એપિસોડ હતા. આ શ્રેણીની પ્રથમ સીઝનમાં નરેન્દ્ર મોદીના બાળપણથી લઈને ગુજરાતના મુખ્ય પ્રધાન બનવાની સફર બતાવવામાં આવી હતી.
આપને જણાવી દઇએ કે, હવે સીઝન 2 ના ત્રણ એપિસોડમાં, મુખ્યમંત્રીથી લઈને પ્રધાનમંત્રી સુધીની નરેન્દ્ર મોદીની યાત્રા બતાવવામાં આવશે. આ શ્રેણીમાં, જોવામાં આવશે કે મોદીએ ગુજરાતના મુખ્યમંત્રી તરીકે ત્રણ કાર્યકાળ કેવી રીતે પૂર્ણ કર્યા, તેમને ક્યા પડકારોનો સામનો કરવો પડ્યો અને તેઓ દેશના વડા પ્રધાન બનવામાં કેવી રીતે સફળ થયા.