ભારત સરકાર અને ટ્વિટર વચ્ચે શરૂ થયેલો વિવાદ શાંત થતો નજરે નથી આવી રહ્યો. ભારત સરકારે ટ્વિટરના અધિકારીને બોલાવીને કેટલાક એકાઉન્ટ પર પ્રતિબંધ મૂકવા આદેશ આપ્યો છે.
ભારત સરકારે ટ્વીટરના અધિકારીઓને બોલાવી કર્યો આદેશ
અધિકારીઓને બોલાવી બાકીના 257 એકાઉન્ટ હટાવવા સ્પષ્ટ આદેશ કર્યો
વિવાદિત એકાઉન્ટ ફરીથી સક્રિય થતાં સરકારે વ્યક્ત કરી નારાજગી
ભારત સરકાર અને ટ્વીટર વચ્ચેનો વિવાદ આક્રમક થયો છે. ટ્વિટરને ભારત સરકારના આદેશ હેઠળ કેટલાક એકાઉન્ટ પર રોક લગાવી છે પરંતુ આઈટી મિનિસ્ટ્રીએ સ્પષ્ટરીતે 257 ટ્વિટર હેન્ડલને હટાવવાની વાત કહી છે. સરકારે 1178 એકાઉન્ટ હટાવવા આદેશ કર્યો હતો જેની સામે 500 એકાઉન્ટ જ હટાવાયા છે. સરકારે ટ્વીટરના અધિકારીઓને બોલાવી બાકીના 257 એકાઉન્ટ હટાવવા સ્પષ્ટ આદેશ કર્યો છે.
ભારત સરકારે ટ્વિટરના અધિકારીઓને બોલાવીને કેટલાક સવાલ પૂછ્યા છે. સરકારે ટ્વિટરથી 1178 હેન્ડલ્સને હટાવવા માટે કહ્યું હતું. જોકે આજે ટ્વિટરે જણાવ્યું કે, 500થી વધુ એકાઉન્ટ સસ્પેન્ડ કરી દેવાયા છે.
માઇક્રોબ્લૉગિંગ સાઇટે બુધવારે એક બ્લૉગ પોસ્ટમાં કહ્યું કે, નાગરિક સમાજના કાર્યકર્તાઓ, રાજકીય વિશેષજ્ઞો અને મીડિયાના ટ્વિટર હેન્ડલને બ્લૉક નથી કરાયા કારણ કે એવું કરવાથી અભિવ્યક્તિની આઝાદીના મૂળ અધિકારોનું ઉલ્લંઘન થશે.
ત્યારે, સરકાર તરફથી ટ્વિટરને કહેવામાં આવ્યું છે કે, અભિવ્યક્તિની આઝાદી અને નિંદાના અધિકારનું અમે સન્માન કરીએ છીએ, પરંતુ અભિવ્યક્તિની આઝાદીના નામ પર સરકાર વિરૂદ્ધ નરસંહાર કરવાના શબ્દો અને હેશટૈગનનો દૂરુપયોગ કરવાની મંજૂરી ન આપી શકાય.
ટ્વીટરે સસ્પેન્ડ કરેલા એકાઉન્ટમાંથી કેટલાક એકાઉન્ટ ફરીથી સક્રિય કરાયા
ઉલ્લેખનીય છે કે, થોડા સમય પહેલા ભારત સરકારે ટ્વિટરથી કેટલાક એકાઉન્ટ્સ હટાવવા માટે કહ્યું હતું, જેનો સંબંધ ખેડૂત આંદોલન સાથે હતો, સાથે જ ખાલિસ્તાની સમર્થક હૈશટેગ પણ ચલાવવાના આરોપ હતા. આ એકાઉન્ટ્સને ટ્વિટરે હટાવી દીધા હતા, જોકે થોડા સમય બાદ જ તેને ફરી શરૂ કરી દીધા હતા. જેના પર ભારત સરકાર તરફથી નારાજગી વ્યક્ત કરવામાં આવી હતી.
IT મંત્રીને મળવા માટે સમય માંગ્યો
ટ્વિટર તરફથી હવે કેન્દ્રીય આઈટી મંત્રી રવિશંકર પ્રસાદને મળવા માટે સમય માંગવામાં આવી રહ્યો છે. ટ્વિટરનો પ્રયત્ન છે કે, આપત્તિજનક હૈશટેગને લઇને કોઇ કાયદાકીય કાર્યવાહી કરી શકે, જેથી તેનો ઉપયોગ ઓછો થઇ શકે. આઈટી મંત્રાલય દ્વારા માહિતી આપવામાં આવી છે કે સેક્રેટરી આઈટી, ટ્વિટરના અધિકારીઓ સાથે મુલાકાત કરશે.