ઇમરજન્સી / કટોકટી લાગુ થયાને 44 વર્ષ, મોદી સરકારનાં આ 8 મંત્રીઓ પણ ગયા હતાં જેલ

દેશમાં આપાતકાલ (1975 emergency) લાગુ થયાને 44 વર્ષ વીતી ચૂક્યાં છે. આપાતકાળ બાદથી દેશમાં ઘણું બધું બદલાઇ ગયું છે. નેતાઓની તે યુવા પેઢી, જે આપાતકાળનાં સમયે સરકાર વિરૂદ્ધ માર્ગો પર ઉતરી હતી અને જેલ (Jail) પણ ગઇ, તે આજે સત્તા પર કાબેલ થઇ ચૂકેલ છે. વર્તમાન સરકારમાં અનેક એવાં નેતા છે કે જેઓએ આપાતકાળ દરમ્યાન સંઘર્ષ કર્યો અને જેલ ગયાં. એવાં જ નેતાઓને વિશે અમે આપણે જણાવી રહ્યાં છીએ.

રાજનાથ સિંહઃ દેશનાં વર્તમાન રક્ષા મંત્રી અને ભાજપનાં વરિષ્ઠ નેતા રાજનાથ સિંહ આપાતકાળનાં સમયમાં 18 માસની જેલની સજા કાપી ચૂકેલ છે. રાજનાથ સિંહ આપાતકાળનાં સમયમાં જનસંઘ સાથે જોડાયેલ હતાં, જો કે બાદમાં બદલાઇને ભાજપા બની ગયું હતું. રાજનાથ સિંહ તે સમયે મિર્જાપુર જિલ્લાનાં પાર્ટી અધ્યક્ષ અને જેપી આંદોલનનાં જિલ્લા સંયોજક હતાં.

રવિશંકર પ્રસાદઃ દેશનો વર્તમાન કાયદો અને આઇટી મંત્રી રવિશંકર પ્રસાદ પણ આપાતકાળ દરમ્યાન જેલ ગયા હતાં. રવિશંકર પ્રસાદ તે સમયે પટના યુનિવર્સિટીમાં વિદ્યાર્થી સંગઠન એબીવીપીનાં કાર્યકર્તા હતાં.

થાવરચંદ ગેહલોતઃ મોદી સરકારનાં સામાજિક ન્યાય અને સશક્તિકરણ વિભાગનાં મંત્રી થાવરચંદ ગેહલોત આરએસએસનાં સભ્ય રહ્યાં છે. દેશમાં જ્યારે આપાતકાળ લાગુ થયું તે સમયે ગેહલોત નગદા જંક્શનમાં આરએસએસ શાખાનાં મુખ્ય સંયોજક હતાં. વિરોધ પ્રદર્શનમાં શામેલ થવા પર થાવરચંદ ગેહલોતને 10 માસ માટે જેલમાં નાખી દેવામાં આવ્યાં હતાં.

પ્રકાશ જાવડેકરઃ સરકારમાં પર્યાવરણ અને વન મંત્રી પ્રકાશ જાવડેકર આપાતકાળ દરમ્યાન એબીવીપી કાર્યકર્તા તરીકે વિરોધ પ્રદર્શનમાં શામલે થવા માટે જેલ ગયા હતાં.

સંતોષ ગંગવારઃ શ્રમ મંત્રી સંતોષ ગંગવાર પણ આપાતકાળ દરમ્યાન સરકાર વિરૂદ્ધ વિરોધ પ્રદર્શનમાં શામેલ થવા માટે જેલ ચાલ્યા ગયા હતાં.

રામવિલાસ પાસવાનઃ લોકજનશક્તિ પાર્ટીનાં મુખિયા અને વર્તમાન સરકારમાં ઉપભોક્તા મામલાઓ અને ખાદ્ય, સાર્વજનિક વિતરણ મંત્રી રામવિલાસ પાસવાન આપાતકાળ દરમ્યાન 18 મહીના સુધી જેલમાં રહ્યાં હતાં. તે દરમ્યાન પાસવાન ભારતીય લોકદળનાં જનરલ સેક્રેટરી હતાં.

અશ્વિની ચૌબેઃ કેન્દ્રીય સ્વાસ્થ્ય રાજ્યમંત્રી અશ્વિની ચૌબે આપાતકાળ દરમ્યાન જેપી આંદોલન સાથે જોડાયેલા રહ્યાં હતાં, જેને લઇને તેઓએ જેલ જવુ પડ્યું હતું.

મહેન્દ્રનાથ પાંડેઃ સ્કિલ ડેવલપમેન્ટ મંત્રી મહેન્દ્રનાથ પાંડે આપાતકાળ દરમ્યાન 5 માસ જેલમાં રહ્યાં હતાં. મોદી સરકારનાં આ મંત્રીઓ સિવાય કેરલનાં મુખ્યમંત્રી પી.વિજયન, ગુજરાતનાં મુખ્યમંત્રી વિજય રૂપાણી અને બિહારનાં સીએમ નિતિશકુમાર પણ આપાતકાળનાં સમયમાં જેલ જઇ ચૂક્યાં છે.