ફાયદાની વાત / એકાઉન્ટ કરી લેજો ચેક! મોદી સરકાર 31 જુલાઈ સુધી સાડા 6 કરોડ લોકોના ખાતામાં આટલા રૂપિયા કરાવશે જમા

• મોદી સરકારે નાણાકીય વર્ષ 2020-21 માટે 8.5 ટકા વ્યાજની મંજૂરી આપી
• પીએફ એકાઉન્ટની બધી જ ડિટેલ આ રીતે જાણો
• સાડા 6 કરોડ PF ખાતાધારકોના એકાઉન્ટમાં ડિપોઝિટ કરવામાં આવશે

જો તમે EPFOના સદસ્ય છો તો તમને આ અઠવાડિયે ખુશખબર મળી શકે છે. આ ખુશખબરી એક સાથે લગભગ સાડા 6 કરોડ પીએફ ધારકોને મળવાની છે. રિપોર્ટ અનુસાર 31 જુલાઈ સુધી પીએફ ખાતામાં સરકાર વ્યાજની રકમ આપી શકે છે.

હકીકતે ગયા વર્ષે મોદી સરકારે નાણાકીય વર્ષ 2020-21 માટે 8.5 ટકા વ્યાજની મંજૂરી આપી દીધી છે અને માનવામાં આવી રહ્યું છે કે આ અઠવાડિયે આ રકમ લગભગ સાડા 6 કરોડ PF ખાતાધારકોના એકાઉન્ટમાં ડિપોઝિટ કરવામાં આવી શકે છે. તમે જાતે ઘરે બેઠા ચેક કરી શકો છો કે તમને વ્યાજમાં કેટલી રકમ મળી છે.

મિસ્ડ કોલ દ્વારા મેળવો જાણકારી 
હવે તમે ફક્ત એક મિસ્ડ કોલ પર પાતાના પીએફ એકાઉન્ટની બધી જ ડિટેલ જાણી શકો છો. EPFOએ આ તેના માટે 011-22901406 નંબર જાહેર કર્યો છે. તમારે ફક્ત પોતાના રજીસ્ટર્ડ મોબાઈલ નંબર દ્વારા તેના પર મિસ્ડ કોલ આપવાનો રહેશે. જેવો તમે આ નંબર પર કોલ કરશો અમુક સેકેન્ડ રિંગ બાદ ફોન કપાઈ જશે અને પછી ખાતાની સંપૂર્ણ જાણકારી મેસેજ દ્વારા પહોંચી જશે. 

મેસેજ દ્વારા જાણો પીએફ એમાઉન્ટ 
SMS દ્વારા પણ PF બેલેન્સ ચેક કરી શકાય છે. જેના માટે EPFOએ નંબર જાહેર કર્યો છે. તેના માટે તમારે રજીસ્ટર્ડ મોબાઈલ નંબર 7738299899 પર SMS મોકલવાનો રહેશે. જેવો તમે SMS કરશો. ત્યાંથી ઈપીએફઓ તમને તામારા પીએફ બેલેન્સની જાણકારી આપી દેશે. એસએમએસ મોકલવાની રીત પણ ખૂબ સરળ છે. તેના માટે તમારે  'EPFOHO UAN' લખીને 7738299899 પર મોકલવાનું રહેશે. આ સુવિધા 10 ભાષાઓમાં ઉપલબ્ધ છે.

EPFOની વેબસાઈટ દ્વારા મેળવો એમાઉન્ટની જાણકારી
તમે EPFOની વેબસાઈટ પર જઈને પીએફ બેલેન્સ ચેક કરી શકો છો. તેના માટે તમારે EPFO Passbook Protal પર તમારા UAN અને પાસવર્ડ દ્વારા લોગ-ઈન કરો. પછી 'Downloand/View Passbook' પર ક્લિક કરો.