ટેક્નોલોજી / આવી ગઇ નવી ટેકનીક, ફોન ચોરી થવાનું નહીં રહે જોખમ

આ ટેકનીક આવ્યા બાદ જેવું કોઇ ફોન તમારા ખિસ્સામાંથી નિકાળશે તો એ એટલી સ્પીડથી વાઇબ્રેટ કરશે કે એને ફોનને પકડવો મુશ્કેલ થઇ જશે. સાથે જ ફોનની બોડી પણ થોડાક સમય સુધી ચીકણી થઇ જશે. એવામાં ફોનને હાથથી પકડવો પણ મુશ્કેલ થઇ જશે. 

રિપોર્ટ પ્રમાણે એરિક્સને પોતાની આ ટેકનીકની પેટેન્ટ માટે આ વર્ષે ફેબ્રુઆરીમાં અરજી કરી છે. તો પેટેન્ટ મળવા સાથે જ કંપની એની પર કામ કરવાનું શરૂ કરી દેશે. ત્યારબાદ આ ટેકનીકનો ઇઉપયોગ સ્માર્ટફોનમાં કરવામાં આવશે. આ ટેકનીકમાં ફિંગરપ્રિન્ટ અને ફેસ અનલોક ઓળખ માટે ઓપ્ટિકલ સેન્સર્સ લાગેલા હશે. એમાં એક લો ફ્રિક્શન મોડ પણ હશે, જેની મદદથી હૃદયના ધબકારાથી જાણી શકાશે કે ફોન કોનો છે. 

જણાવી દઇએ કે જ્યારે વર્ષ 2011માં એપલે આઇફોનમાં એક્ટિવેશન લૉકનું ફિચર આપ્યું હતું, એ દરમિયાન લંડનમાં આઇફોનની ચોરીની ઘટનાઓમાં 24 ટકા સુધીનો અને સેન ફ્રાંસિસ્કોમાં 38 ટકા સુધીનો ઘટાડો થયો હતો. આ ફીચર દ્વારા આઇફોનને દૂરથી લૉક કરી શકાય છે અને એમા રહેલા ડેટા અને ક્લાઉડ પર સ્ટોર કરીને ડિલીટ કરી શકાય છે.