મનોરંજન / Naatu.. Naatu માટે ઓસ્કાર જીતેલ એમએમ કિરવાની થયા કોરોના સંક્રમિત, ગઇકાલે રામ ચરણેની પાર્ટીમાં આપી હતી હાજરી 

• કોરોના ફરી માથું ઊંચકાવી રહ્યો છે
• એમએમ કિરવાની થયા કોરોના સંક્રમિત 
• ગઇકાલે રામ ચરણની પાર્ટીમાં આપી હતી હાજરી 

કોરોના મહામારીનો ખતરો હજુ પણ સંપૂર્ણપણે ટળ્યો નથી. જો કે હવે તેના કેસ પહેલા કરતા ઓછા થયા છે પણ તેમ છતાં લોકો તેનો શિકાર બની રહ્યા છે.  આપણે બધા જાણીએ છીએ કે કોરોના મહામારી સમયે ઘણા લોકો સંક્રમિત થયા હતા અને આ વાયરલની ઝપેટમાં બોલિવૂડ સેલેબ્સ આવી ગયા હતા. હાલ કોરોના ફરી માથું ઊંચકાવી રહ્યો હોય એવું લાગી રહ્યું છે. 

એમએમ કિરવાની થયા કોરોના સંક્રમિત 
હાલમાં જ અભિનેત્રી કિરણ ખેર અને પૂજા ભટ્ટ કોરોના સંક્રમિત થયા હતા અને હાલ એવા સમાચાર સામે આવ્યા છે કે ફિલ્મ RRR ના ગીત નાટુ નાટુ ના મ્યુઝિક કમ્પોઝર એમએમ કિરવાની જેમને હાલ જ ઓસ્કાર જીત્યો હતો એ કોરોના સંક્રમિત થયા છે.  

કિરવાનીએ પોતે આપી આ વાતની જાણકારી 
કિરવાનીએ પોતે આ વિશે માહિતી આપી હતી. એક મીડિયા હાઉસ સાથેની વાતચીતમાં તેણે કહ્યું છે કે સતત મુસાફરી અને ઓસ્કાર જીતવાની ખુશીને કારણે તે તેના પર ધ્યાન આપી શક્યો નહીં અને હવે તેનો કોરોના રિપોર્ટ પોઝિટિવ આવ્યો છે. આ સાથે તેણે એ પણ જણાવ્યું કે હાલમાં તેની સારવાર ચાલી રહી છે.

The great James Cameron has watched RRR twice and gave feedback on my score !!! Ocean full of excitement ☺️☺️☺️ pic.twitter.com/3PrrhMUAIx

— mmkeeravaani (@mmkeeravaani) January 16, 2023

રામ ચરણની પાર્ટીમાં ગયા હતા 
જણાવી દઈએ કે 'RRR' સ્ટાર રામ ચરણે ગઈકાલે રાત્રે હૈદરાબાદમાં પોતાના જન્મદિવસ પર એક પાર્ટીનું આયોજન કર્યું હતું. જેમાં સાઉથ ઈન્ડસ્ટ્રીના ઘણા સ્ટાર્સે ભાગ લીધો હતો. આ પાર્ટીમાં કિરવાની પણ હાજરી આપી હતી. આ સાથે જ પાર્ટીમાં નાગાર્જુન, ચિરંજીવી, વિજય દેવેરાકોંડા, કાજલ અગ્રવાલ, રાણા દગ્ગુબાતી, એસએસ રાજામૌલી જેવા ઘણા સ્ટાર્સે હાજર હતા.