ગુજરાતમાં કોરોના વાયરસનો કહે છે પણ હજી સુધી અમરેલી આમાંથી બચી શક્યુ છે. પણ સમગ્ર ગુજરાતમાં લોકડાઉન તો યથાવત જ છે. એમાંય ગુજરાતમાં વધી રહેલા કેસ ખરેખર ચિંતાજનક છે ત્યારે સરકાર લોકડાઉન હજુ સખત કરવા માંગી રહી છે પણ લાઠીના ધારાસભ્ય વિરજી ઠુંમરે CM રૂપાણીને પત્ર લખીને પોલીસની ફરિયાદ કરી છે.
લાઠીના MLA વિરજી ઠુંમરનો CM રૂપાણીને પત્ર
પોલીસ-તંત્રની જોહુકમીને લઇ CMને લખ્યો પત્ર
લોકોના બંધારણિય હકોની રક્ષા કરવાની કરી માગ: ઠુંમર
લાઠીના MLA વિરજી ઠુંમરે CM રૂપાણીને પત્ર લખી અને પોલીસ-તંત્રની જોહુકમીને લઇ સવાલ ઉઠાવ્યા છે. વિરજી ઠુંમરે કહ્યું કે લોકોના બંધારણિય હકોની રક્ષા કરવામાં આવે. અમરેલી જિલ્લા-ગ્રામ્ય લેવલે પોલીસ સામે ફરિયાદો મળી છે. પોલીસ-તંત્ર પ્રજાના બંધારણિય હક પર તરાપ મારી રહી છે. વિરજી ઠુંમરે કહ્યું કે બાઇક પર નીકળેલા લોકો સાથે પોલીસ ગાળાગાળી કરે છે.
ગઇકાલે ભાજપ કાર્યકર્તાના ચીરંજીવીને પોલીસે માર માર્યો હતો. પ્રભારી મંત્રી પાસે ફરિયાદ જતા પોલીસકર્મી સસ્પેન્ડ થયા છે. વિરજી ઠુંમરે કહ્યું કે PSI, PI, Dy.SP, અને SPના ફોન પણ રિસીવ નથી થઇ રહ્યાં. સરપંચને પણ માર માર્યાની ફરિયાદો આવી છે. મહિલા PSIએ ખેડૂતનું મોરમ ભરેલુ ટ્રેક્ટર ડિટેઇન કરી લીધુ છે. ખેડૂતને RC-દસ્તાવેજ માટે 15 દિવસનું સૂચન ન કર્યુ.