IPLIN
 

Box Office / અક્ષયના કરિયરની સૌથી મોટી ઑપનિંગ ફિલ્મ બની ‘મિશન મંગલ’, જાણો કેટલા કરોડની કરી કમાણી

Team VTV 12:31 PM, 16 Aug 19
Follow us
Mission Mangal box office collection Day 1: Akshay Kumar-Vidya Balan film gets Highest opening

પહેલી હિંદી સ્પેસ ફિલ્મ ‘મિશન મંગલ’ની ઑપનિંગ શાનદાર રહી અને પહેલા દિવસે 29.60 કડોડની કમાણી કરતા અક્ષય કુમારના કરિયરની સૌથી ટોપ ઑપનિંગ ફિલ્મ બની ગઇ છે. 

એક તરફ જ્યાં ક્રિટિક્સ અને ઓડિયન્સ ફિલ્મના વખાણ કરી રહ્યા છે, તો બીજી તરફ 15 ઓગસ્ટની સાથે રક્ષાબંધનના તહેવારનો ફાયદો આ ફિલ્મને ચોક્કસથી મળ્યો છે. 

 

ટ્રેડ એનાલિસ્ટ તરણ આદર્શે પોતાના ઑફિશ્યલ સોશ્યલ મીડિયા એકાઉન્ટ પર કરેલી ટ્વીટ અનુસાર, 2016થી 2019 સુધી 15 ઓગસ્ટના દિવસે રિલીઝ થયેલી ફિલ્મોની પહેલા દિવસની કમાણીમાં 'મિશન મંગલ' ફિલ્મની કમાણી સૌથી વધારે છે.  2016માં રિલીઝ થયેલી ‘રુસ્તમ’ ફિલ્મની પહેલા દિવસની કમાણી 14.11 કરોડ રૂપિયા હતી. જ્યારે 2017માં રિલીઝ થયેલી ફિલ્મ ‘ટોઇલેટ એક પ્રેમ કથા’ ફિલ્મની પહેલા દિવસની કમાણી 13.10 કરોડ રૂપિયા હતી. ગત વર્ષે 2018માં રિલીઝ થયેલી ‘ગોલ્ડ’ ફિલ્મની પહેલા દિવસની કમાણી 25.25 કરોડ રૂપિયા હતી. આ લિસ્ટમાં આ વર્ષે રિલીઝ થયેલી ‘મિશન મંગલ’ 29.16 કરોડ રૂપિયાની પહેલા દિવસની કમાણી સાથે લિસ્ટમાં ટોપ પર છે.

ઉલ્લેખનીય છે કે, ‘મિશન મંગલ’, મગંળ ગ્રહ પર ભારતના સ્પેસ મિશનની વાર્તા છે. ફિલ્મની વાર્તા મંગળયાનની સફળતા પર આધારિત છે. ISROએ મંગળગ્રહ પર મંગળયાન મોકલ્યુ હતુ. આ ફિલ્મમાં બતાવવામાં આવ્યુ છે કે, કેવી રીતે ‘મિશન મંગલ’ ની શરૂઆત થાય છે અને કેવી રીતે પૂરુ થાય છે તે બતાવવામાં આવ્યુ છે. 

ફિલ્મમાં અક્ષય કુમારની સાથે સાથે વિદ્યા બાલન, તાપસી પન્નુ, સોનાક્ષી સિન્હા, શરમન જોશી, નિત્યા મેનન અને કૃતિ કુલ્હારી છે. ફિલ્મ  મિશન મંગલ’ ફિલ્મને જગન શક્તિએ ડિરેક્ટ કરી છે, જે અગાઉ ‘ચીની કમ’, ‘પા’, ‘ઇંગ્લિશ વિંગ્લિશ’, ‘શમિતાભ’, ‘હોલિડે’, ‘શમિતાભ’, ‘પેડમેન’ જેવી ફિલ્મોમાં આસિસ્ટન્ટ ડિરેક્ટર રહી ચૂક્યા છે, જોકે આ તેમની ડિરેક્ટર તરીકે પહેલી ફિલ્મ છે. ફિલ્મ ‘કેપ ઓફ ગુડ ફિલ્મ્સ’ અને આર. બાલ્કીની ‘હોપ પ્રોડક્શન’એ પ્રોડ્યૂસ કરી છે. ફિલ્મનું મ્યૂઝિક અમિત ત્રિવેદીએ આપ્યુ છે. 

Entertainment Bollywood mission mangal અક્ષય કુમાર વિદ્યા બાલન સોનાક્ષી સિન્હા તાપસી પન્નુ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ