નસીબ / ખોદકામ કરતી વખતે મળી એવી વસ્તુ કે રાતોરાત ઊપજ્યાં 25 કરોડ રૂપિયા, રાષ્ટ્રપતિએ આપ્યા અભિનંદન

બંને રત્નો ઘાટ્ટા વાદળી રંગના છે. આ દુર્લભ રત્ન Saniniu Laizer નામના શક્સને દેશના ઉત્તરમાં સ્થિત એક ખાણમાં મળ્યાં હતાં. તાન્ઝાનિયા માઈન મિનિસ્ટ્રીના પ્રવક્તાએ જણાવ્યું કે એક રત્નનું વજન 9.27 કિલો અને બીજાનું 5.103 કિલો છે. હવે અંદાજો લગાવાઈ રહ્યો છે કે આ રત્નોની અસલ કિંમત કેટલી હોઈ શકે છે. 

જાણકારી મુજબ તાન્ઝાનાઈટ રત્ન માત્ર પૂર્વીય આફ્રિકી રાષ્ટ્રના ઉત્તરી ક્ષેત્રમાં નાના વિસ્તારોમાં મળે છે. આ વિશે મિનિસ્ટ્રીના સેક્રેટરી Simon Msanjilaએ કહ્યું કે આજની ઘટના મીરાનીમાં ખનન ગતિવિધિઓની શરૂઆત બાદના ઈતિહાસમાં બે સૌથી મોટા તાન્ઝાનાઈટ રત્ન મળી આવ્યાં છે. 

રાષ્ટ્રપતિએ ફોન કરીને આપ્યા અભિનંદન

Saniniu ને ચૅક આપવાનો પૂરો કાર્યક્રમ ટીવી પર લાઈવ ટેલિકાસ્ટ કરવામાં આવ્યો. આ પ્રસંગે દેશના રાષ્ટ્રપતિ John Magufuli એ આ નસીબદાર વ્યક્તિને ફોન પર અભિનંદન પાઠવ્યા હતાં. ઉલ્લેખનીય છે કે આ બે રત્નોને તાન્ઝાનિયાની બેંકે ખરીદ્યા છે.