દિગ્ગજ બોક્સર માઈક ટાયસન 15 વર્ષ બાદ બોક્સિંગમાં વાપસી કરવામાં જઈ રહ્યાં છે. તેમણે એક ચેરિટી મેચ માટે તૈયારીઓ શરૂ કરી દીધી છે. 1980ના દાયકામાં બોક્સિંગ પર રાજ કરનારા ટાયસન છેલ્લી વખત 2005માં રિંગ પર ઉતર્યા હતા. ટાયસન 50માંતી 44 સ્પર્ધા જીતવામાં સફળ રહ્યાં હતા. તેમને ઓલટાઈમ ગ્રેટ બોક્સર કહેવામાં આવે છે. એટલું જ નહીં તેમનું નિકનેમ આ ગ્રહનો સૌથી ખરાબ આદમી રાખવામાં આવ્યું હતું.
દિગ્ગજ બોક્સર માઈક ટાયસન 15 વર્ષ બાદ બોક્સિંગમાં વાપસી કરશે
બોક્સિંગ પર રાજ કરતા હતા ટાયસન
ચેરિટી માટે વાપસી કરી રહ્યાં છે ટાયસન
હોલિવૂડ એક્ટલ વિલ સ્મિથની સાથે તેઓ એક ફિલ્મમાં જોવા મળવાના છે. જેના માટે તેઓ પ્રમોશન પણ કરી રહ્યાં છે. ટાયસનએ એક વીડિયો શેર કર્યો છે. તેમણે કેપ્શનમાં પોતે ખરાબ હોવાની વાત લખી છે. ટાયસનએ લખ્યું- હું જીવનમાં એક ખરાબ વ્યક્તિ છું. તેઓ આ વીડિયોમાં ટ્રેનર સાથે બોક્સિંગ કરતાં જોવા મળી રહ્યાં છે. તેમણે 4 સેકન્ડમાં 6 પાવરપંચ મારી દીધા. ટાયસનના પંચની આગળ તેમના ટ્રેનર પણ ન ટકી શક્યા અને નોકઆઉટ થઈ ગયા.
ટાયસનએ હાલમાં જ ઈન્સ્ટાગ્રામ લાઈવ પર રેપર ટી.આઈ.ની સાથે આવ્યા હતા. તેમણે કહ્યું હતું, હું ગયા અઠવાડિયાથી ગ્લવ્સની સાથે અભ્યાસ કરી રહ્યાં છું. આ કઠિન છે. મારું શરીર વાસ્તવમાં ભારે થઈ ગયું છે અને પંચ મારવામાં મુશ્કેલી થઈ રહી છે. હું સતત અભ્યાસ કરી રહ્યો છું. હું રિંગમાં ઉતરવા માંગુ છું. જિમ જવા માંગુ છું જેથી મારું શરીર રિંગમાં ઉતરવા લાયક થઈ શકે. રિંગમાં 3-4 રાઉન્ડ સુધી ટકી શકું અને ચેરિટી માટે ફંડ જમા કરી શકું. જેમની પાસે ઘર નથી, એવા લોકોની મદદ કરી શકું.
53 વર્ષના ટાયસનએ છેલ્લી વખત 2005માં ફાઈટ લડી હતી. કેવિન મેકબ્રાઈડ સામે રમ્યા બાદ તેમણે 20 વર્ષના લાંબા કરિયરથી સંન્યાસ લઈ લીધું હતું. તેમના નામે આજે પણ દુનિયાના સૌથી યુવા હેવીવેટ ચેમ્પિયન હોવાનો રેકોર્ડ છે. ટાયસનએ 1986માં 20 વર્ષની ઉંમરમાં ટ્રેવર બેરબિકનો રેકોર્ડ તોડ્યો હતો.