નિવેદન / ભારત આવેલા અમેરિકન વિદેશમંત્રીના આ નિવેદનથી ચીનની ચિંતા વધશે

• અમેરિકાએ કહ્યું અમે ભારતની સાથે છીએ
• ભારત-અમેરિકા વચ્ચે BECA પર હસ્તાક્ષર
• ગઇકાલ સાંજે બંન્ને દેશો વચ્ચે થયા કરાર

ઉલ્લેખનીય છે કે, માઇક પોમ્પિયોએ અહીં જૂનમાં લદ્દાખની ગલવાન ઘાટીમાં થયેલી હિંસક અથડામણમાં શહીદ થયેલા 20 ભારતીય જવાનોની વાતનો પણ ઉલ્લેખ કર્યો હતો.  આ સાથે જ એમપણ કહ્યું હતું કે, અમેરિકા ભારતની સાથે ઉભું છે. 

સ્વતંત્રતાની લડતમાં અમેરિકા તેની સાથે ઉભું છે

સમાચાર એજન્સી એએનઆઈ અનુસાર, યુએસના વિદેશમંત્રીએ કહ્યું કે 'અમે વિશ્વની સૌથી મોટી લોકશાહી માટે પોતાનો જીવ આપનારા સૈનિકોને શ્રદ્ધાંજલિ આપવા નેશનલ વોર મેમોરિયલ પર ગયા હતા. ત્યાં 20 સૈનિકો પણ છે જેમણે પીએલએ (ચીની આર્મી) સાથેની અથડામણમાં પોતાનો જીવ ગુમાવ્યો હતો. ભારતની અખંડિતતા અને સ્વતંત્રતાની લડતમાં અમેરિકા તેની સાથે ઉભું છે.

#WATCH: We visited National War Memorial to honour brave men & women of Indian armed forces who sacrificed for the world's largest democracy, including 20 killed by PLA in Galwan Valley. US will stand with India as they confront threats to their sovereignty, liberty: Mike Pompeo pic.twitter.com/CwHMAcA1wC

— ANI (@ANI) October 27, 2020

ચીનને લઇને આપ્યું નિવેદન 

ગલવાન અથડામણને લઈને માઇક પોમ્પીયો ભૂતકાળમાં ઘણી વખત ચીન પર હુમલો કરી ચુક્યા છે. તેમણે થોડા સમય પહેલા કહ્યું હતું કે ચીન વિસ્તરણવાદની રણનીતિ અપનાવી રહ્યું છે અને ભારત તેની સામે ઉભું છે. જુલાઈમાં, તેમણે House Foreign Affairs Committeeની કોંગ્રેસની સુનાવણીમાં કહ્યું હતું કે 'તેમના તાજેતરના ચાઇના, ભારત અને ભૂટાનમાં ઘૂસણખોરીની ઘટનાઓ તેના ઇરાદા દર્શાવે છે.

સોમવારે મહત્વપૂર્ણ ટૂ પ્લસ ટુ વાટાઘાટો માટે ભારત પહોંચ્યા

આપને જણાવી દઈએ કે માઇક પોમ્પીયો અને યુએસ સંરક્ષણ પ્રધાન માર્ક ટી એસ્પર સોમવારે મહત્વપૂર્ણ ટૂ પ્લસ ટુ વાટાઘાટો માટે ભારત પહોંચ્યા છે. આ વાટાઘાટ દરમિયાન બંને દેશોએ સંરક્ષણ અને સુરક્ષા ક્ષેત્રે પરસ્પર સંબંધો વધારવા માટે ઘણા મોટા કરાર કર્યા છે.

ભારત-અમેરિકા વચ્ચે BECA પર હસ્તાક્ષર થયા

ભારત-અમેરિકા વચ્ચે BECA પર હસ્તાક્ષર થયા છે. આ કરારથી બંને દેશ સૂચનાઓનું આદન પ્રદાન કરશે. તો ભારત અમેરિકાના સેટેલાઇટની મદદ મેળવશે. અને મિસાઇલ હુમલા માટે અમેરિકાના ડેટાનો પણ ઉપયોગ કરશે. ત્યારે આ બેઠક બાદ અમેરિકન વિદેશ મંત્રી પોમ્પિયોએ મોટું નિવેદન આપ્યું તેઓએ કહ્યું કે અમેરિકા UN સિક્યુરિટી કાઉન્સિલમાં ભારતના પક્ષમાં છે. 

UNમાં ભારતની કાયમી સદસ્યતા માટે સમર્થનમાં છે. ચીન સામે અમેરિકા અને ભારત સાથે મળીને કામ કરશે. તો ભારતીય રક્ષામંત્રી રાજનાથ સિંહે કહ્યું કે ભારત-અમેરિકાની મિત્રતા મજબૂત થઇ છે. ટૂ પ્લસ ટૂ બેઠકમાં પણ અનેક બાબતો પર ચર્ચા થઇ છે. સુરક્ષાને લઇને મહત્વના મુદ્દા પર વાતચીત થઇ છે. તો વિદેશમંત્રી એસ.જયશંકરે કહ્યું કે બંને દેશો વચ્ચે આર્થિક, ડિફેન્સ, ઇન્ફોર્મેશન શેરિંગ મુદ્દે ચર્ચા થઇ છે.