દુર્ઘટના / હજારો ફૂટની ઊંચાઈથી MIG-29 ફાઈટર જેટનો ફ્યૂલ ટેંક જમીન તરફ ધસી આવ્યો, પ.બંગાળમાં બની આ ચોંકાવનારી ઘટના

• ટ્રેનિંગ દરમિયાન ફાઈટર જેટ સાથે બની દુર્ઘટના
• ઉડ્ડયન દરમિયાન જેટમાંથી ફ્યૂલ ટેંક એકાએક છૂટ્ટું પડ્યું
• સદનસીબે જંગલમાં ટેંક પડતાં જાનમાલની નુક્સાની નોંધાઈ નથી

ગઈકાલે એટલે કે 22 મે 2023માં રોજ પશ્ચિમ બંગાળનાં કલાઈકુંડા એરબેઝથી MIG-29 ફાઈટર જેટ પોતાની ટ્રેનિંગ દરમિયાન ઉડ્ડયન કરી રહ્યું હતું. જ્યારે આ ફાઈટર જેટ પાછું વળ્યું ત્યારે તેનો વેંટ્રેલ ડ્રોપ ટેંક એકાએક વિમાનથી અલગ થઈને જમીન તરફ ફેંકાયો. આ ફ્યૂએલ ટેંક એરબેઝની પાસે જંગલમાં પડતાં અત્યારસુધી કોઈપણ પ્રકારનાં જાનમાલની નુક્સાની થવાની માહિતી મળી આવી નથી.સ્થાનીય પ્રશાસનની મદદથી વાયુસેનાએ ટેંકને એરબેઝમાં પાછું પહોંચાડી દીધું છે. 

મિગ-29ની વિશેષતાઓ
મિગ-29 એ રશિયામાં બનેલ મલ્ટીરોલ કોમ્બેટ ફાઈટર જેટ છે. હાલમાં ભારતીય એરફોર્સ પાસે 65 મિગ-29 ફાઈટર જેટ છે. 1981માં પહેલીવખત બનેલ આ ફાઈટર જેટ અનેક દેશોની વાયુસેનાનો એક હિસ્સો છે. જાણકારી અનુસાર આશરે 1600 મિગ 29 વિમાનો અત્યાર સુધી બનાવવામાં આવ્યાં છે. આ વિમાનનો વેરિયન્ટ જે નૌસેના પાસે છે તેને મિગ-29 કહેવામાં આવે છે. આ વિમાન કોઈ પણ વૉરમાં ઊતરી શકે છે. એક પાયલટવાળા આ વિમાનમાં 2 એન્જિન હોય છે. તેમાં 3500 કિલોગ્રામ સુધીનું ઈંધણ આવી શકે છે.

એકસ્ટ્રા ઈંધણ માટે વેંટ્રેલ ડ્રોપ વિમાનમાં લગાવવામાં આવે છે. આ ઘટના બાદ અનેક પ્રકારનાં સવાલો ઊઠી રહ્યાં છે કે આ દુર્ઘટના કઈ રીતે બની? વિમાનમાંથી આટલું ભારે ફ્યૂલ ટેંક પડ્યું જ કઈ રીતે? આ ઘટનામાં કોની ભૂલ છે?