કર્ણાટકના સૂત્રોના હવાલેથી મળતી જાણકારી મુજબ IMA કૌભાંડમાં સસ્પેન્ડેડ કોંગ્રેસના ધારાસભ્ય રોશન બેગની બેંગલુરૂ એરપોર્ટ પરથી પોલીસે અટકાયત કરી છી. રોશન બેગ મુંબઇ જઇ રહ્યાં હતાં. SIT દ્વારા સવાલ પૂછવામાં આવતા તેઓ અલગ-અલગ જવાબ આપી રહ્યાં હતાં.
SITએ જણાવ્યું છે કે રોશન બેગની પૂછપરછ માટે અટકાયત કરવામાં આવી છે. તેઓ ચાર્ટડ વિમાન દ્વારા બેંગલુરૂથી જઇ રહ્યાં હતા. તેઓ વિમાનની અંદર હતા. તેઓ અલગ-અલગ નિવેદન આપી રહ્યાં છે કે દિલ્લી અને પૂના જઇ રહ્યાં હતા. ચાર્ટર ફલાઇટના પેસેન્જેરની યાદી મુજબ ફલાઇટ પૂણે જઇ રહી હતી.
SITએ જણાવ્યું કે અમે અગાઉથી જ 19 જૂલાઇના રોજ રોશન બેગને હાજર રહેવા નોટીસ પાઠવી દીધી હતી. તેઓ કોઇ અજ્ઞાત સ્થળે જવાની તૈયારી કરી રહ્યાં હતા. અમે માત્ર તેમની પૂછપરછ માટે અટકાયત કરી છે. તેઓ બેંગલુરૂ આંતરરાષ્ટ્રીય એરપોર્ટ પરથી એક ચાર્ટડ ફલાઇથી ઉડાન ભરીને જઇ રહ્યાં હતા.
K'taka CM:Today SIT probing the IMA case detained Roshan Baig for questioning at BIAL airport while he was trying to leave along with BS Yeddyurappa's PA Santosh on chartered flight to Mumbai.I was told that on seeing SIT,Santosh ran away while team apprehended Mr Baig.(file pic) pic.twitter.com/WBN6rNybTH
કુમારસ્વામીએ ટવિટ કરી જણાવ્યું છે કે આજે SITએ આઇએમ મામલે તપાસ કરી રહી છે, જેને લઇને રોશન બેગને પૂછપરછ માટે એરપોર્ટ પરથી ધરપકડ કરી છે, તેઓ યેદિયુરપ્પાના પીએ સાથે ચાર્ટર પ્લેનથી મુંબઇ જવાનો પ્રયત્ન કરી રહ્યાં હતા. મને મળતી જાણકારી મુજબ SITને જોઇને યેદિયુરપ્પાના પીએએ ત્યાંથી ભાગવાનો પ્રયત્ન કરી રહ્યાં હતાં, જો કે SITની ટીમે તેમની પણ ધરપકડ કરી છે.
ઉલ્લેકનીય છે કે રોશન બેગને પાર્ટી વિરોધી કામકાજને લઇને કોંગ્રેસે હાલમાં જ પાર્ટીમાંથી સસ્પેન્ડ કરી દીધા હતા. લોકસભા ચૂંટણી 2019માં કોંગ્રેસને કારમા પરાજયનો સામનો કરવો પડ્યો હતો. ત્યારબાદ રોશન બેગે પોતાની જ પાર્ટી વિરુધ્ધ ટીપ્પણી કરી હતી.