અમેરિકાઃ મેક્સિકોમાં એક પ્લેન દુર્ઘટનામાં પ્લેનમાં સવાર તમામે તમામ લોકોનો આબાદ બચાવ થયો છે. તમામ લોકોએ મોતને માત આપી છે. પરંતુ 85 મુસાફરોને નાની મોટી ઈજા થતા સારવાર માટે ખસેડવામાં આવ્યા છે.
મેક્સિકોનું એરોમેક્સિકોની ફ્લાઈટ 2431 એમ્બ્રાયર 190 હતુ. જેમાં 101 મુસાફરો સવાર હતા. પ્લેને ઉડાન ભર્યા બાદ તે દુર્ઘટના ગ્રસ્ત થયુ હતું.
તો પ્લેન ક્રેશ થતા પ્લેનમાં સવાર તમામ મુસાફરોનો જીવ તાળવે ચોંટ્યાં હતા પરંતુ કહેવાય છે કે રામ રાખે તેને કોણ ચાખે...
બસ આ તમામે તમામ મુસાફરોએ મોતને હાથ તાળી આપી. ઘટનાના પગલે પોલીસ અને ફાયરના જવાનો ઘટના સ્થળે પહોંચ્યા હતા અને બચાવ કામગીરી હાથ ધરી હતી.
પ્રાપ્ત વિગતો મુજબ ખરાબ વાતાવરણને કારણે આ દુર્ઘટના સર્જાઈ હતી. પરંતુ હજુ સુધી પ્લેન ક્રેશ થવા પાછળનું યોગ્ય કારણ જાણવા મળ્યુ નથી.