અજીબ કિસ્સો / મહેસાણામાં મહિલા 15 વર્ષના કિશોરને ભગાડીને લઈ જઈ, ગેસ્ટ હાઉસમાંથી ઝડપાયા બાદ કિશોરે આપી ચોંકાવનારી માહિતી

• મહેસાણામાં આવ્યો ગજબ કિસ્સો સામે
• એક સંતાનની માતા 15 વર્ષીય કિશોરને ભગાડી ગઇ
• પોલીસે તાપીના સોનગઢથી બંનેને ઝડપી પાડ્યા

મહેસાણામાં એક અજીબો ગરીબ કિસ્સો સામે આવ્યો છે. 23 વર્ષની મહિલા 15 વર્ષના કિશોરને ભગાડી લઈ જતાં સમગ્ર ઘટના  ચર્ચાનો વિષય બની છે.પોલીસે તાપી જિલ્લાના સોનગઢના ગેસ્ટ હાઉસમાંથી બંનેને રંગહાથે ઝડપી લીધા છે. કિશોરના નિવેદનના આધારે મહિલા સામે ગુનો નોંધવામાં આવ્યો છે.

કિશોરના જન્મ દિવસે જ મહિલા કિશોરને લઇ ફરાર
6 દિવસ અગાઉ પ્રેમ સંબંધમાં 15 વર્ષીય કિશોર તેના જન્મદિવસે અચાનક ગાયબ થયો હતો. 25 જાન્યુઆરીના રોજ ગુમ થયેલો કિશોર પરિવારએ શોધખોળ કરતાં ન મળતા ફરિયાદ નોંધાવવામાં આવી હતી.  કિશોર પોતાની સાથે સોનાનો દોરો, 10 હજાર રોકડ અને 7 જોડ કપડાં પણ લઈ ગયો હતો. એક 23 વર્ષની મહિલા તેના ફોનમાંથી તેના પિતાને ફોન કર્યો હતો કે કિશોર તેની સાથે છે તે ભગાડીને લઈ ગયો હોવાની જાણકારી આપી હતી.બાદમાં પોલીસ સતત ફોનમાં વાતચીત ચાલુ રાખવાનું કહી લોકેશન ખાળવાના પ્રયાસ કર્યા હતા. જે બાદ પૂરતી માહિતી મળતા તાપી જિલ્લાના સોનગઢના ગેસ્ટ હાઉસમાંથી કિશોર અને યુવતીને ઝડપી પાડયા હતા. 

એક મહિલા સામે પોક્સો હેઠળ ગુનો દાખલ
મહેસાણા પરત લાવી કિશોરની પૂછપરછ કરતાં ચોંકાવનારી માહિતી સામે આવી હતી. મહિલા સામે એટ્રોસિચટી, પોક્સો એક્ટ હેઠળ ગુનો નોંધી આગળની કાયદાકીય પ્રક્રિયા હાથ ધરવામાં આવી હતી. કિશોરના મેડિકલ પરિક્ષણની ગતિવિધિ પણ હાથ ધરવામાં આવી છે.

પોકસો એક્ટ શું છે?
બાળકો સાથે થતી જાતીય સતામણી રોકવા માટે સરકારે કડક કાયદા બનાવ્યા છે. જે પૈકીનો એક કાયદો પોકસો છે. ધી પ્રોટેક્શન ઓફ ચિલ્ડ્રન ફ્રોમ સેક્સુઅલ ઑફેન્સ એકટ 2012 તેનું પૂર્ણ નામ છે.બાળ યૌન ઉત્પીડનની વધતી ઘટનાઓને રોકવા માટે, પોક્સો કાનૂનને વધુ કડક બનાવવાના આવ્યો છે અનેક પ્રસ્તાવિત સંશોધનોમાં બાળકો સાથે ગંભીર યૌન ઉત્પીડન કરનારને મૃત્યુદંડ તથા કિશોર ગૂનેગારો વિરુદ્ધ અન્ય ગુનાઓ માટે કડક સજાની જોગવાઇ કરવામાં આવી છે.

પોકસો હેઠળ કોણ ફરિયાદ નોંધાવી શકે અને ક્યાં?
કુમળા મનના બાળકની જાતીય સતામણીથી લાંબા ગાળે સમાજ ઉપર ગંભીર અસર પડે છે. બાળક સાથે જાતીય ગતિવિધિ કરવી તે ગંભીર ગુનો છે. બાળકનો શારીરિક અને માનસિક વિકાસ પૂરતો ન થયો હોય, પુખ્ત વયના ન હોય ત્યારે આવી ઘટના બને તો તે બાળકને આખીય જીદંગી ભોગવવાનું આવે છે. બાળક ઉપરાંત વાલી, તબીબ, સ્કૂલ સાથે સંકળાયેલા વ્યક્તિ સહિતના કોઈપણ વ્યક્તિ પોક્સો અંતર્ગત ફરિયાદ નોંધાવી શકે છે.ગુનાને રોકવા સ્પેશિયલ જુવેનિલ પોલીસ યુનિટ બનાવવામાં આવી છે. ઉપરાંત લોકલ પોલીસને પણ ફરિયાદ નોંધાવી શકાય છે.