મહેસાણા બાયપાસ હાઈવે પરથી દારૂ ભરેલુ ટ્રેલર ઝડપાયું હોવાની માહિતી મળી છે. દારૂ ભરેલું ટ્રેલર ઝડપાતાના સમાચાર વાયુવેગે પ્રસરતા હાહાકાર મચી ગયો હતો.
ઉચ્ચ પોલીસ અધિકારીને મળેલી બાતમીના આધારે મહેસાણા LCBએ રાજસ્થાન પાસિંગનું એક ટ્રેલર પસાર થતા પોલીસે તલાશી લેતા ચોખાની બોરી નીચે સંતાડીને આ દારૂનો જથ્થો લઈ જવાતો હતો. દારૂ ભરેલા ટ્રેલર સાથે એક શખ્સની ધરપકડ કરી છે.
મળતી માહિતી અનુસાર આ દારૂનો જથ્થો હરિયાણાના અંબાલાથી જૂનાગઢ લઈ જવાતો હતો. પોલીસે 838 પેટી દારૂના જથ્થા સાથે એક શખ્સની ધરપકડ પણ કરી છે. તો રૂ. 35 લાખ 80 હજારના દારૂના જથ્થા સાથે પોલીસે રૂ. 53 લાખ 80 હજારનો મુદ્દામાલ કબજે કર્યો છે.