હાર્દિકની નારાજગી વચ્ચે આગામી 2 જ દિવસમાં હાર્દિક પટેલ, નરેશ પટેલ અને અલ્પેશ કથીરિયા વચ્ચે મહત્વની બેઠક યોજાશે.
Share
આગામી 2 દિવસમાં ત્રણ પાટીદાર અગ્રણીઓની બેઠક યોજાશે
હાર્દિક પટેલ આગામી દિવસોમાં ભાજપનો ખેસ ધારણ કરી શકે છે
કોંગ્રેસમાં OBC અને દલિત સમાજના પ્રભુત્વનો હાર્દિકનો મત
છેલ્લાં કેટલાંય દિવસથી હાર્દિક પટેલ અને નરેશ પટેલને લઇને કોઇ પક્ષમાં જોડાવવા મામલે ગુજરાતનું રાજકારણ ગરમાઇ રહ્યું છે. એવામાં તાજેતરમાં જ ગુજરાતના રાજકારણને લઇને વધુ એક મહત્વના સમાચાર સામે આવ્યા છે. આગામી 2 દિવસની અંદર ત્રણ પાટીદાર અગ્રણીઓ વચ્ચે મહત્વની બેઠક યોજાશે. હાર્દિક પટેલ, નરેશ પટેલ અને અલ્પેશ કથીરિયા વચ્ચે મહત્વની બેઠક યોજાશે. આ બેઠકમાં આંદોલનના જૂના સાથીઓ પણ ઉપસ્થિત રહેશે. સાથે એવાં પણ સમાચાર સામે આવી રહ્યાં છે કે, આગામી દિવસોમાં હાર્દિક પટેલ ભાજપનો ખેસ ધારણ કરી શકે છે.
કોંગ્રેસમાં OBC અને દલિત સમાજના પ્રભુત્વનો હાર્દિકનો મત
તમને જણાવી દઇએ કે તાજેતરમાં જ દાહોદમાં રાહુલ ગાંધીએ સંબોધન દરમ્યાન હાર્દિક પટેલ જેલમાં રહ્યો છે છતાં રાહુલ ગાંધીએ માત્ર જિગ્નેશ મેવાણીનું જ નામ લેતા હાર્દિક નારાજ હોય તેવું લાગી રહ્યું છે. કોંગ્રેસમાં OBC અને દલિત સમાજના પ્રભુત્વનો હાર્દિકનો મત રહેલો છે. ત્યારે હાર્દિકની છેલ્લાં કેટલાંય સમયથી કોંગ્રેસ સાથે ચાલી રહેલી નારાજગી વચ્ચે આગામી દિવસોમાં ગમે ત્યારે કોઇ પણ પક્ષમાં જોડાવવા મામલે તે મહત્વનો નિર્ણય લઇ શકે છે.
હાર્દિક પટેલે તાજેતરમાં જ કોંગ્રેસ પક્ષ પ્રત્યેની નારાજગી અંગે પૂર્ણવિરામ મૂક્યું હતું
જો કે, કોંગ્રેસ પક્ષ પ્રત્યેની નારાજગી સહિતના મુદ્દાને કારણે હાર્દિક પટેલને લઈને જે અટકળો લગાવવામાં આવી રહી હતી. તેની પર હાર્દિકે અગાઉ પૂર્ણવિરામ મૂકી દીધું હતું. હાર્દિક પટેલે કહ્યું હતું કે, "જ્યારે રાહુલ ગાંધી ગુજરાતના પ્રવાસે આવતા હોય ત્યારે સ્વાભાવિક છે કે મારે મારી જવાબદારી નિભાવવાની હોય, હું કોંગ્રેસ પાર્ટીમાં છું, તો મારે 100 ટકા પાર્ટીને આપવાના છે. મે પહેલાં પણ કહ્યું છે કે માત્ર કોંગ્રેસ પાર્ટી નહીં જ્યારે-જ્યારે હું આંદોલનની ભૂમિકામાં હતો, ત્યારે પણ મેં મારા 100 ટકા આપવાનો પ્રયાસ કર્યો છે."
कांग्रेस जातिवाद की राजनीति करती है यह तो सुना था लेकिन कांग्रेस में भी भयंकर जातिवाद है यह आज पता चल गया।
हार्दिक पटेल को दो साल की सजा, 32 केस और दस महीने जेल में बंद रहे लेकिन कभी भी राहुल गांधी ने मंच से ज़िक्र नही किया,परंतु जिग्नेश मेवानी नौ दिन जेल में रहे तो ज़िक्र किया.
તાજેતરમાં હાર્દિકનો પક્ષ લઇને ભાજપ નેતાએ કોંગ્રેસ પર કર્યા હતા પ્રહાર
અત્રે ઉલ્લેખનીય છે કે, તાજેતરમાં દાહોદમાં રાહુલ ગાંધીએ કરેલા સંબોધનને લઇને ભાજપમાં રાજકારણ ગરમાયું હતું. કારણ કે, ભાજપ નેતા યજ્ઞેશ દવેએ હાર્દિકના પક્ષમાં કોંગ્રેસ સામે જાતિવાદનો આક્ષેપ લગાવ્યો હતો. યજ્ઞેશ દવેએ કોંગ્રેસ પર જાતિવાદનો આક્ષેપ લગાવતા ટ્વિટ કરીને કહ્યું હતું કે, 'કોંગ્રેસમાં ભયંકર જાતિવાદ ચાલી રહ્યો છે. રાહુલ ગાંધીએ માત્ર જિગ્નેશ મેવાણીનો જ ઉલ્લેખ કર્યો. જિગ્નેશ મેવાણી કરતા હાર્દિક પટેલ વધુ જેલમાં રહ્યાં છે. હાર્દિક પટેલ સામે 32 કેસ છે અને 10 મહિના હાર્દિક જેલમાં રહ્યાં હતાં. જ્યારે જિગ્નેશ મેવાણી માત્ર 9 દિવસ જ જેલમાં રહ્યાં હતાં. હાર્દિક પટેલના નામનો કેમ ઉલ્લેખ ન કર્યો?'
'નરેશ પટેલે જલ્દી જ નિર્ણય લઈ લેવો જોઈએ': હાર્દિક પટેલ
બીજી બાજુ નરેશ પટેલ કયા પક્ષમાં જોડાશે તેને લઇને પણ ગુજરાતમાં રાજકારણમાં ગરમાવો જોવા મળી રહ્યો છે. દાહોદના કાર્યક્રમ સ્થળ પર ખોડલધામ ટ્રસ્ટના નરેશ પટેલને લઈને હાર્દિક પટેલે મહત્વનું નિવેદન કર્યું હતું. જેમાં હાર્દિકે કહ્યું હતું કે, 'નરેશ પટેલે જલ્દી જ નિર્ણય લઈ લેવો જોઈએ.'
હાર્દિકે નરેશ પટેલનું નામ લઈને કહ્યું કે તેમણે જલ્દી આ અંગે નિર્ણય લઈ લેવો જોઈએ. હાર્દિકે કહ્યું કે, "હું ઈચ્છું છું કે જલ્દીમાં જલ્દી એક નિરાકરણ આવી જાય, વારંવાર નરેશભાઈ દિલ્હી જવું પડે તેમણે મિટિંગ કરવી પડે, તેમની સાથે કેટલાક ધારાસભ્યો પણ ગયા હતા જે સારી વાત છે."
