IPLIN
 
  • Home
  • India
  • Meeting underway at home ministry on Jammu Kashmir issue NSA ajit doval and other officials

જમ્મુ-કાશ્મીર / દિલ્હીમાં કાશ્મીર મુદ્દે અમિત શાહની બેઠક, ડોભાલ સહિત ઉચ્ચ અધિકારીઓ હાજર

Team VTV 04:06 PM, 19 Aug 19
Follow us
Meeting underway at home ministry on Jammu Kashmir issue NSA ajit doval and other officials

જમ્મુ-કાશ્મીર પર અમિત શાહની બેઠક યોજાઇ છે. જેમાં ઘાટીથી પરત ફરેલ અજીત ડોભાલ પણ જમ્મુ-કાશ્મીરની વર્તમાન સ્થિતિને લઇ ગૃહમંત્રી અમિત શાહ અને રાષ્ટ્રીય સુરક્ષા સલાહકાર અજીત ડોભાલની બેઠક યોજાઇ. જેમાં ઘાટીની વર્તમાન પરિસ્થિતિને લઇ તેનો તાગ મેળવવામાં આવી રહ્યો છે. તમને જણાવી દઇએ કે અજીત ડોભાલ છેલ્લાં ઘણાં દિવસોથી જમ્મુ-કાશ્મીરમાં જ હતાં અને ત્યાંની સ્થિતિને નજીકથી નિહાળી હતી.

Amit Shah

અજીત ડોભાલ બે દિવસ પહેલાં જ ઘાટીથી દિલ્હી પરત ફર્યા હતાં. આ બેઠકમાં અમિત શાહ, અજીત ડોભાલ સિવાય ગૃહ સચિવ અને અન્ય બીજા કેટલાંક મોટા અધિકારીઓ પણ શામેલ રહ્યાં. ગૃહ મંત્રાલયમાં આ બેઠક અંદાજે અડધા કલાક સુધી ચાલી. ઉલ્લેખનીય છે કે આજે કાશ્મીરમાં અંદાજે 14 દિવસ બાદ ઘાટીમાં સ્કૂલ-કૉલેજો ખુલી છે. કડક બંદોબસ્ત વચ્ચે પણ સ્કૂલ-કૉલેજો ખોલી દેવામાં આવી છે. જો કે ખૂબ ઓછી સંખ્યામાં બાળકો સ્કૂલ પહોંચ્યાં હતાં.

રાજૌરીમાં પણ ખોલી દેવાઇ સ્કૂલોઃ
જમ્મુ-કાશ્મીરનાં રાજૌરીમાં સ્કૂલો પણ ખુલવાની શરૂ થઇ ગઇ છે અને બાળકો પણ પહોંચી રહ્યાં છે. આજે બે સપ્તાહ બાદ સ્કૂલ-કૉલેજો ખુલી છે. ત્યારે સ્કૂલોની આસપાસ પણ કડક સુરક્ષા વ્યવસ્થા ગોઠવી દેવામાં આવી છે.

અફવાહો પર ધ્યાન ન આપવું:
જમ્મુ-કાશ્મીરનાં ગૃહ વિભાગ તરફથી સોમવારનાં સવારે એક નિવેદન પણ રજૂ કરવામાં આવ્યું છે. પોલીસ દ્વારા જણાવવામાં આવ્યું કે, એક અફવાહ ફેલાવવામાં આવી રહી છે કે જમ્મુ-કાશ્મીર પોલીસનાં હથિયારો જપ્ત કરવામાં આવી રહ્યાં છે પરંતુ આ અફવાહ ખોટી છે. ગૃહ વિભાગ તરફથી અપીલ કરવામાં આવી છે કે આ પ્રકારનાં સમાચારો પણ વિશ્વાસ ના કરે.

લેન્ડલાઇન સુવિધા પણ થશે શરૂઃ
સ્કૂલ-કૉલેજોની સાથે-સાથે ઘાટીમાં પણ લેન્ડલાઇનની પણ સુવિધા શરૂ થશે. આ પહેલા કેટલાંક ભાગોમાં ફેઝ વાઇઝ આ સુવિધા શરૂ કરવામાં આવી રહી હતી. પરંતુ હવે ધીરે-ધીરે સંપૂર્ણ સુવિધાઓને આગળ વધારવામાં આવશે.

જમ્મુ-કાશ્મીરમાં હવે હાલત પણ ધીમે-ધીમે સામાન્ય થઇ રહ્યાં છે. શ્રીનગરમાં આજથી જ સ્કૂલો તો ખુલી છે ને હવે લેન્ડલાઇનની સુવિધા પણ શરૂ થશે. અંદાજે 14 દિવસ બાદ આ સ્કૂલો ખોલવામાં આવી. ઉલ્લેખનીય છે કે જમ્મુ-કાશ્મીરમાં અત્યાર સુધી 370 કલમ લાગુ હતી અને હવે તેને હટાવી દીધા બાદ જમ્મુ-કાશ્મીર અને લદ્દાખ કેન્દ્રશાસિત પ્રદેશ બન્યા બાદથી કાશ્મીરમાં 144 કલમ લાગુ હતી.

 

IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ